ជនជាតិចិន បើកបររថយន្តម៉ាកព្រូស ឆ្លងផ្លូវបំបែកជាបួនខ្វះការប្រុងប្រយ័ត្ន បុកអ្នកជិៈម៉ូតូ បណ្តាលរបួសធ្ងន់២នាក់ ចំណែករថយន្តធ្លាក់ចូលប្រឡាយ
បន្ទាយមានជ័យ៖ដោយសារកត្តាបើកបរខ្វះការប្រយ័ត្ន ជនជាតិចិនបើកបររថយន្តម៉ាកព្រូសឆ្លងផ្លូវបំបែកជាបួន បានបុកអ្នកជិៈម៉ូតូ បណ្តាលរបួសធ្ងន់២នាក់ ត្រូវបានដឹកបញ្ជូនទៅសង្ក្រោះនៅឯមន្ទីរពេទ្យបង្អែកក្រុងប៉ោយប៉ែតភ្លាមៗ ចំណែករថយន្តធ្លាក់ចូលប្រឡាយ។ហេតុការណ៍នេះបានកើតឡើងនៅរសៀលថ្ងៃទី០៩ ខែមេសា ឆ្នាំ២០២៤ នៅត្រង់ចំណុចផ្លូវបំបែកជាបួនស្ថិតភូមិប្រជាធម្ម សង្កាត់ផ្សារកណ្តាល ក្រុងប៉ោយប៉ែត។
ប្រភពព័ត៌មានបានឲ្យដឹងថា៖មុនពេលកើតឡើងគេបានឃើញស្ត្រី ២នាក់ បានជិៈម៉ូតូម៉ាក់ស៊ូម័រអុិច បើកឆ្លងផ្លូវបំបែកជាបួន ត្រូវបានរថយន្តម៉ាក់ព្រូស ១គ្រឿង ពាក់ផ្លាក់លេខ ព្រៈសីហនុ 2B.9228បើកបរដោយជនជាតិចិន ក្នុងល្បឿនយ៉ាងលឿនខ្វះការប្រុងប្រយ័ត្ន បានបុកពេញទំហឹង បណ្តាលរបួសធ្ងន់ ២នាក់ ហើយរថយន្តព្រូសធ្លាក់ចូលប្រឡាយ អ្នកបើកបរបានបើកទ្វាររថយន្ត គេចខ្លួនបាត់។
ក្រោយកើតហេតុមន្ត្រីនគរបាលចរាចរណ៍ផ្លូវគោកក្រុងប៉ោយប៉ែត បានចុះមកពិនិត្យ និងធ្វើការវាស់វែង រួចបានយករថយន្តបង្កនិងម៉ូតូជនរងគ្រោះដែលរងការខូចខាតទៅរក្សាទុនៅអធិការដ្ឋាននគរបាលក្រុងប៉ោយប៉ែត ដើម្បីរងចាំដោះស្រាយគ្នាតាមច្បាប់ចរាចរណ៍ផ្លូវគោកជាក្រោយ៕
