រដ្ឋបាលខេត្តបន្ទាយមានជ័យ ប្រារព្ធពិធីគោរពវិញ្ញាណក្ខន្ធព្រះករុណាសម្តេចព្រះមហាវីរក្សត្រនរោត្តម សីហនុ ព្រះបរមរតនកោដ្ឋ គម្រប់ខួប១១ឆ្នាំ
ខេត្តបន្ទាយមានជ័យ៖នៅព្រឹកថ្ងៃទី៩ ខែតុលា ឆ្នាំ២០២៣ រដ្ឋបាលខេត្តបន្ទាយមានជ័យ បានប្រារព្ធពិធីគោរពវិញ្ញាណក្ខន្ធព្រះករុណាព្រះបាទសម្ដេចព្រះនរោត្តម សីហនុ ព្រះមហាវីរក្សត្រព្រះវររាជបិតាឯករាជ្យបូរណភាពទឹកដី និងឯកភាពជាតិខ្មែរព្រះបរមរតនកោដ្ឋគម្រប់ខួប ១១ឆ្នាំ កម្មវិធីនេះរៀបចំឡើងទៅតាមបែបប្រពៃណីនៅវត្តព្រះពុទ្ធសាសនា។
លោក ង៉ោ ម៉េងជ្រួន អភិបាលរងខេត្ត តំណាងឯកឧត្តម អ៊ុំ រាត្រី អភិបាលខេត្តបានឡើងអាន ជីវប្រវត្តិព្រះករុណាព្រះបាទសម្ដេចព្រះបរមរតនកោដ្ឋរយ៉ាងដូច្នេះថា នៅថ្ងៃទី១៧ ខែកក្កដា ឆ្នាំ១៩៩១ ព្រះអង្គទ្រង់បានចាកចេញពីប្រធាននៃកម្មវិធីប្រជាធិបតេយ្យនិងចលនាតស៊ូជាតិកម្ពុជា ដើម្បីដាក់ទៅកាន់ព្រះអង្គនៅលើភាគីទំនាស់នានា នៃកម្ពុជា ព្រះអង្គត្រូវបានសមាជិកអេសអិនស៊ី ជ្រើសតាំងជាឯកច្ឆន្ទពីប្រធានអព្យាក្រិតនៃក្រុមប្រឹក្សាជាន់ខ្ពស់កម្ពុជានៅថ្ងៃទី១៤ ខែវិច្ឆិកាឆ្នាំ ១៩៩១ ព្រះអង្គបានយាងនិវត្តន៍មករាជធានីភ្នំពេញវិញ។ដោយមាតុភូមិនិវត្តន៍របស់ព្រះអង្គ ភាគីទាំងបួនរបស់កម្ពុជាបានប្រកាសជាបន្តបន្ទាប់ជាផ្លូវការនិងជាលាយលក្ខណ៍អក្សរថា សម្ដេចព្រះនរោត្តមសីហនុពីព្រះប្រមុខរដ្ឋពេញលក្ខណៈច្បាប់នៃកម្ពុជាទាំងមូល។ នៅថ្ងៃទី២៤ ខែ កញ្ញា ១៩៩៣ ព្រះអង្គបានឡាយព្រះហស្ថលេខាលើព្រះរាជក្រមឲ្យប្រើប្រាស់ជាផ្លូវការនូវរដ្ឋធម្មនុញ្ញថ្មីដែលសភាធម្មនុញ្ញកម្ពុជាបានអនុម័តកាលពីថ្ងៃទី២១ ខែកញ្ញាឆ្នាំ១៩៩៣។ នៅថ្ងៃទី២៤ ខែកញ្ញា ឆ្នាំ១៩៩៣ព្រះអង្គត្រូវបានក្រុមប្រឹក្សារាជសម្បត្តិ ចាប់តាំងពីព្រះមហាក្សត្រនៃព្រះរាជាណាចក្រកម្ពុជា។ នៅថ្ងៃទី២៤ ខែកញ្ញា ឆ្នាំ១៩៩៣ មហាមិទិ្ទញមហាជនត្រូវបានរៀបចំឡើងដោយមានការចូលរួមពីមហាជនជាងបីម៉ឺននាក់ដើម្បីសម្តែងនូវមនោសញ្ចេតនាអបអរសាទរគាំទ្រចំពោះរដ្ឋធម្មនុញ្ញថ្មីនិងឋានៈ របស់ព្រះអង្គ ជាព្រះមហាក្សត្រនៃព្រះរាជាណាចក្រកម្ពុជា។ នៅថ្ងៃទី៦ ខែតុលា ឆ្នាំ២០០៤ ព្រះករុណាព្រះបាទនរោត្តមសីហនុ ទ្រង់បានដាក់រាជ្យសម្បត្តិជាលើកទីពីរដើម្បីព្រះអង្គបានទៅកាន់ កៀកជិតប្រជារាស្ត្រនិងដឹងពីសុខទុក្ខប្រជារាស្ត្ររបស់ព្រះអង្គ។ នៅថ្ងៃទី១៤ ខែតុលា ឆ្នាំ២០០៤ ក្រុមប្រឹក្សារាជសម្បត្តិបាន សម្រេចជ្រើសរើសព្រះបាទព្រះបរមនាថនរោត្តម សីហមុនី ពីព្រះមហាក្សត្រនៃព្រះរាជាណាចក្រកម្ពុជា បន្ទាប់ពីព្រះវររាជបិតាព្រះករុណាព្រះបាទសម្ដេចព្រះនរោត្ដមសីហនុ។ព្រឹកថ្ងៃទី២០ ខែតុលាឆ្នាំ២០០៤ រដ្ឋសភា បានអនុម័ត ថ្វាយព្រះបរមងារនិងព្រះរាជ បព្វសសិទ្ធិចំពោះព្រះករុណាទេព្រះមហាវីរក្សត្រព្រះវររាជបិតាឯករាជ្យបូរណភាពទឹកដីនិងឯកភាពជាតិខ្មែរ។
នៅថ្ងៃ១៥ រោច ខែភទ្របទ ឆ្នាំរោងចត្វាស័កពុទ្ធសក ២៥៥៦ ត្រូវនឹងថ្ងៃទី១៥ ខែតុលា ឆ្នាំ២០១២ វេលាម៉ោង១ និង២០នាទីរំលងអធ្រាត្រព្រះករុណាព្រះបាទ សម្តេចព្រះនរោត្តម សីហនុ ព្រះមហាវីរក្សត្រព្រះវររាជបិតាឯករាជ្យបូរណភាពទឹកដីនិងឯកភាពជាតិខ្មែរទ្រង់បានសោយទិវង្គតក្នុងព្រះជន្មាយុ៩០ ព្រះវស្សា ដោយព្រះជរាពាធនៅមន្ទីរពេទ្យនាទីក្រុងប៉េកាំងនៃសាធារណរដ្ឋប្រជាមានិតចិន៕
