មន្ទីរអប់រំយុវជន និងកីឡា ធ្វើពិធីបិទសន្និបាតបូកសរុបលទ្ធផលការងារសម្រាប់ឆ្នាំសិក្សាឆ្នាំ២០២០-២០២១
ខេត្តប៉ៃលិន៖នាថ្ងៃទី៣០ ខែមិថុនា ឆ្នាំ២០២២នេះ មន្ទីរអប់រំយុវជននិងកីឡាខេត្តប៉ៃលិនបានរៀបចំពិធីបិទសន្និបាតបូកសរុបលទ្ធផលការងារសម្រាប់ឆ្នាំសិក្សាឆ្នាំ២០២០-២០២១ និងលើកទឹសដៅបន្តសម្រាប់ឆ្នាំសិក្សា២០២១-២០២២ ក្រោមអធិបតីភាពឯកឯកឧត្ដ សេរី ជំនះ អនុរដ្ឋលេខាធិការក្រសួងអប់រំ យុវជន និងកីឡា លោកឃ្លោក នួយ អភិបាលរងខេត្តប៉ៃលិន។
នាឱកាសនោះឯកឧត្តម សេរី ជំនះ បានណែនាំថ្នាក់ដឹកនាំនិងលោកគ្រូ អ្នកគ្រូសិស្សានុសិស្ស សូមថែរក្សារអានាម័យ ដោយបន្តរក្សា ៣ការពារ ៣កុំ បន្តជួយជម្រុញដល់លោកគ្រូអ្នកគ្រូនិងសិស្សានុសិស្សដែលមិនទាន់ទទួលវ៉ាក់សាំងដូសទី៣ទី៤និងទី៥ឲ្យទៅចាក់វ៉ាក់សាំងឲ្យបានគ្រប់ៗគ្នា។
ហើយជួយពង្រឹងប្រព័ន្ធអប់រំឲ្យមានគុណភាព
-កសាងការអប់រំនៅតាមជនបទជាអទិភាព
-ធ្វើតេស្តគុណភាពសាលានិងគ្រូដើម្បីផ្តល់ជ័យលាភភី
-បន្តអភិវឌ្ឍន៍ការបង្រៀនបែបឌីជីថលឲ្យបានទូលំទូលាយ
-បន្តការបំផុសចលនាយុវជនឲ្យក្លាយជាកូនល្អសិស្សល្អនិងមិត្តល្អសំរាប់ជួយដល់សង្គមជាតិ។
ជាមួយគ្នាលោកតង់ ធារ៉ា ប្រធានមន្ទីរអប់រំយុវជននិងកីឡាខេត្តបានឲ្យដឹងថាសន្និបាតប្រចាំឆ្នាំដែលមន្ទីរអប់រំនិងយុវជនធ្វើឡើងនាពេលនេះ ក្នុងគោលបំណងបូកសរុបវាយតម្លៃការងារដែលបានអនុវត្តឆ្នាំសិក្សាកន្លងមក និងលើកទិសការងារសម្រាប់ឆ្នាំសិក្សាបន្តទៀត។
លោកគូសបញ្ជាក់ថា ក្នុងរយៈពេល២ថ្ងៃនេះបានដំណើរការប្រកបដោយភាពល្អប្រសើរ ដែលមន្ទីរនិងអង្គការដៃគូអភិវឌ្ឍន៍បានធ្វើបទអន្តរាគមន៍អំពីគម្រោងសម្រាប់ការអភិវឌ្ឃន៍ក្នុងវិស័យអប់រំរួមមានការកសាងសាលារៀន បង្គន់អនាម័យនៅតំបន់ដាច់ស្រយោល ព្រមទាំងការជួយទាំងសម្ភារៈបង្រៀន សម្ភារៈសិក្សា វិធីសាស្ត្របង្រៀន និងដំណើរការគ្រប់គ្រង
គឺការអប់រំដល់កុមារតូចៗនិងយុវវ័យឲ្យក្លាយជា(នាយកល្អគ្រូល្អនិងសិស្សឆ្នើម )ពង្រឹងវិស័យកីឡាឲ្យបានទូលំទូលាយដើម្បីឈានទៅប្រកួតស៊ីហ្គេមដែលកម្ពុជាធ្វើជាម្ចាស់ផ្ទះនៅឆ្នាំ២០២៣ខាងមុខ៕
