ទុស្សេខ្សែភ្លើង ឆេះផ្ទះប្រពលរដ្ឋធ្វើអំពីឈើដំបូលស័ង្កសី អស់១ខ្នងទាំងស្រុង នៅស្រុកស្វាយចេក ខណៈម្ចាស់បិទទ្វាទៅធ្វើស្រែចំការ
ខេត្តបន្ទាយមានជ័យ៖ផ្ទះប្រពលរដ្ឋ ១ខ្នង ធ្វើអំពីឈើ ដំបូលស័ង្កសី ត្រូវអគ្គីភ័យឆាបឆេះអស់ទាំងស្រុង នាព្រឹកថ្ងៃទី២៤ ខែតុលា ឆ្នាំ២០២៣ ស្ថិតនៅភូមិប្រីយ៍ ឃុំទ្រាស ស្រុកស្វាយចេក ខេត្តបន្ទាយមានជ័យ។ក្រោយពីទទួលបានព័ត៌មាននេះភ្លាម កម្លាំងនគរបាលដឹកនាំដោយលោកវរសេនីយ៍ឯក ជា ស្លូញ អធិការនៃអធិការដ្ឋាននគរបាលស្រុកស្វាយចេក បាននាំយករថយន្តពន្លត់អគ្គីភ័យចុះជួយអន្តរាគមន៍រហូតគ្រប់គ្រងស្ថានភាពបាន រលត់អស់មួយរយភាគរយ មិនបណ្តាលឲ្យរាលដាលដល់ផ្ទះអ្នកដ៏ទៃ និងមិនមានមនុស្សរងគ្រោះថ្នាក់ឡើយ។
សមត្ថកិច្ចបានឲ្យដឹងថា ម្ចាស់ផ្ទះដែលរងគ្រោះដោយសារអគ្គភ័យឆាបឆេះនេះមានឈ្មោះ ខែត ឈួត អាយុ ៥៨ឆ្នាំ ប្រពន្ធឈ្មោះ ម៉ាំង អ៊ូ អាយុ៥៧ឆ្នាំ ។ផ្ទះដែលត្រូវអគ្គីភ័យឆាបឆេះមានទំហំ 15mx10m ធ្វើធ្វើអំពីឈើ ដំបូលស័ង្កសី ឆេះទាំងស្រុង។ ក្រៅពីនេះថវិកា ១០០០០បាត (មួយម៉ឺនបាត) និងសំភារ: ដំណេក និងសៀវភៅគ្រួសារ សំបុត្រកំណើត អត្តសញ្ញាណប័ណ្ណ ប្លង់ដីផងដែរ។
សមត្ថកិច្ចបញ្ជាក់ថា មូលហេតុនៃការឆាបឆេះនេះ គឺបណ្តាលមកពីទុស្សេឆ្លងចរន្តអគ្គីសនី ហើយពេលឆាបឆេះម្ចាស់មិនបាននៅផ្ទះនោះទេ ដោយរវល់ទៅធ្វើស្រែចំការទំហំនៃការខូចខាតក្នុងគ្រោះអគ្គីភ័យនេះ សរុបអស់ប្រមាណជាង៤០លានរៀល៕
