ព័ត៌មានគ្រោះថ្នាក់ចរាចរណ៍ព័ត៌មានជាតិ

ជិះម៉ូតូទៅ​មើលប្រពន្ធ​ ឆ្លងទន្លេ (សម្រាលកូន) នៅទីរួមខេត្ត ជាអកុសល ត្រូវរថយន្តស៊េរីទំនើបម៉ា​ក់Alphard បើកបរដោយបុរសជនជាតិចិនបុក បណ្ដាលឲ្យស្លាប់ភ្លាមៗ នៅកន្លែង​កើតហេតុ​ ក្នុង​ស្រុកបរិបូរណ៍

ខេត្តកំពង់ឆ្នាំង៖ពិតជាគួរ​ឲ្យសង្វែកខ្លាំង​ណាស់បុរស​ម្នាក់​ ជិះម៉ូតូទៅមើល​​ប្រពន្ធឆ្លង​ទន្លេ (សម្រា​លកូន) នៅឯទីរួមខេត្តកំពង់ឆ្នាំង ជាអកុសល ត្រូវរថយន្តស៊េរីទំនើបម៉ា​ក់Alphard បើកបរ​ដោ​យ​បុរស​ជន​ជាតិចិ​ន​បុក​​ បណ្ដាលស្លាប់ភ្លាមៗនៅកន្លែងកើ​តហេតុ​។ ហេតុការណ៍​នេះបា​នកើតឡើង​ការពីវេលា​ម៉ោងជាង០៥ព្រឹក នៅថ្ងៃទី២១ ខែមីនា ឆ្នាំ២០២៣ តាមបណ្ដោយផ្លូវជាតិលេខ ៥ ស្ថិត​ក្នុងភូមិតា​ប៉ាង ឃុំចក ស្រុកបរិបូរ​ណ៍ ខេត្ត​កំពង់ឆ្នាំង។

ប្រភពព័ត៌មានពីរកន្លែងកើតហេតុបានឱ្យដឹង​ថា មុនពេល​កើតហេតុ គេបាន​ឃើញបុរស​ម្នាក់ ជិះ​ម៉ូតូ​ម៉ាកHonda dream​ ពាក់ផ្លាកលេខ តា​កែវ ​1V​-3311 បើកបរក្នុងទិសដៅពីកើតទៅលិច ពោលគឺ ពី​ភ្នំ​ពេញ​ឆ្ពោះ​ទៅ​ភ្នំក្រវាញ លុះមកដល់ចំណុចកើតហេតុខាងលើ ក៏បាន​បុក​ជាមួយ​នឹងរថយ​ន្តមួយ​គ្រឿង​ម៉ាក់Alphard ពណ៌ ស ពាក់ផ្លាកលេខ​ភ្នំពេញ 2B​T-9188 ​បើក​បរដោយបុរស​ជា​ជនជាតិចិ​ន បើក​បរក្នុងទិ​សដៅពីរ​លិចទៅ​កើត​ ប្រច្រាសទិសគ្នា ក្នុងគោលបំណង​ឆ្ពោះទៅក្រុងភ្នំពេញ​បណ្ដាល​ឱ្យបុរសជាម្ចាស់​ម៉ូតូស្លាប់​ភ្លាមៗ​នៅនឹងកន្លែង​កើ​តហេតុ។​ក្រោយកើត​ហេតុភ្លាមស​មត្ថកិច្ចចរាចរណ៍ បាន​ចុះមកដល់ទីតាំ​ងកន្លែងកើតហេតុធ្វើកា​រវែង និងយកមធ្យោបាយពាក់ព័ន្ធទៅរក្សាទុក នៅ​សាលាស្រុក បរិបូរណ៍ រង់ចាំ​ដោះស្រាយគ្នា នៅពេលក្រោយ។

ជនរងគ្រោះ​មាន​ឈ្មោះ​ នម ​វ៉ាន់ស៊ីន​ ភេទប្រុស អា​យុប្រហែល ​២៨ ឆ្នាំ ​មានស្រុ​កកំណើត ឃុំ​ព្រែ​កស្លឹក​ ស្រុកទ្រាំង​ ខេត្តតាកែវ នឹ​ងមានប្រពន្ធជា​នាក់រ​ស់នៅភ្នំក្រវាញ ខេត្តពោធិ៍សាត់។ រីឯ​ម្ចាស់រ​ថយន្តជាជ​នជាតិចិន ត្រូវបានសមត្ថកិច្ចចា​ប់បានភ្លាមៗ ​រួចក៏បញ្ជូន​ទៅកាន់ អធិកា​រដ្ឋាន​នគរបាល​ចរាចរណ៍ ខេត្តកំព​ង់ឆ្នាំង ។ចំណែកសពជនរង​គ្រោះក្រោយ​ពីសមត្ថកិច្ចមន្ត្រី​ជំនាញធ្វើកំ​ណត់ហេតុ​ក៏ប្រគល់​ទៅឲ្យក្រុម​គ្រួសា​រយក​ទៅធ្វើបុណ្យតាម​ប្រពៃណី៕

Related Articles

Leave a Reply

Your email address will not be published. Required fields are marked *

Back to top button