អភិបាលរងខេត្តប៉ៃលិន ដឹកនាំកិច្ចប្រជុំត្រៀមបើកសិក្ខាសាលាវិស័យសន្តិសុខស្បៀង និងអាហារូបត្ថម្ភខេត្ត នាពេលខាងមុខ
ខេត្តប៉ៃលិន៖លោក ហែម ឬទ្ធី អភិបាលរងខេត្ត តំណាងដ៏ខ្ពង់ខ្ពស់លោកជំទាវ បាន ស្រីមុំ អភិបាល ខេត្តប៉ៃលិន កាលពីរសៀលថ្ងៃទី០៦ ខែកុម្ភៈ ឆ្នាំ២០២៣ បានដឹកនាំក្រុមការងារប្រជុំត្រៀមបើកសិក្ខាសាលាវិស័យសន្តិសុខស្បៀង និងអាហារូបត្ថម្ភខេត្ត នាពេលខាងមុខ។
លោក ហែម ឬទ្ធី អភិបាលរងខេត្ត បានមានប្រសាសន៍ថា៖ សន្តិសុខស្បៀង និងអាហារូបត្ថម្ភ មិន ត្រឹមតែជាការឆ្លើយតបទៅនឹងគោលនយោបាយជាអាទិភាពរបស់រាជរដ្ឋាភិបាល ដែលបានដាក់ចេញកន្លងមកប៉ុណ្ណោះទេ ប៉ុន្តែបានរួមចំណែកយ៉ាងសំខាន់ ក្នុងការកាត់បន្ថយភាពក្រីក្ររបស់ប្រជាជន នឹងភាពងាយរងគ្រោះវិបត្តិ និងបញ្ហាផ្សេងៗ ការពារបរិស្ថាន និងជួយកាត់បន្ថយផលប៉ះពាល់នៃ ការប្រែប្រួលអាកាសធាតុ និងមានចីរភាព សម្រាប់ប្រជាជនកម្ពុជាគ្រប់រូបរួម នឹងភពផែនដី និងវិបុលភាព។
លោកអភិបាលរង បានមានប្រសាសន៍បញ្ជាក់ថា៖ ការដឹកនាំកិច្ចនាពេលនេះ ដើម្បីចូលរួមត្រៀមរៀបចំបើកសាក្ខាសាលាដែលពិតជាមានពី សារៈសំខាន់ នៃវិស័យសន្តិសុខ ស្បៀង និងអាហារូបត្ថម្ភ គឺជាមូលដ្ឋានគ្រឹះសម្រាប់អភិវឌ្ឍមូលធនមនុស្ស សេដ្ឋកិច្ច និងសង្គម ជាតិ។ក្នុងឱកាសនោះលោកអភិបាលរងក៏បានសំណូមពរដល់ក្រុមការងារ ទាំងអស់ត្រូវរៀបចំបច្ចេកទេស បញ្ហានានា ជាពិសេសលោកគ្រូ–អ្នកគ្រូ ជាគ្រូបង្គោលត្រូវខិត ខំយកចិត្តទុកដាក់បង្ហាត់បង្រៀនដល់សិក្ខាមទាំងអស់ប្រកបដោយប្រសិទ្ធភាពខ្ពស់ផងដែរ ៕ ដោយ ៖ លោក ក្រូច ណាវី
