ព័ត៌មានជាតិព័ត៌មានស៊ើបអង្កេត

លោកស្រី សាម ចាន់ និងក្រុមគ្រួសារបន្តស្នើសុំដោះស្រាយតាមគោលនយោបាយមនុស្សធម៌ ខណៈ​ខ្លួន​មិន​ទាន់ទ​ទួលបានសមស្រប(មានវីដេអូរ)

ខេត្តសៀមរាប៖ការចុះអនុវត្តសាលដីការរបស់តុលាការខេត្តសៀមរាប កាលពីថ្ងៃទី២០ ខែកញ្ញា ឆ្នាំ២០២២ វេលាម៉ោង០៩និង៣០នាទីព្រឹក​ ដែលដឹកនាំដោយលោក ឡុង សារ៉ាត់ អាជ្ញាសាលា នៃសាលាដំបូងខេត្តសៀមរាប​ និងជាអាជ្ញាសាលា​ទទួលបន្ទុក​អនុវត្ត​សំណុំរឿង​អនុវត្ត​ដោយ​បង្ខំលេខៈ៦០ ចុះថ្ងៃទី៧ ខែកក្កដា ​ឆ្នាំ២០១៦​ ដោយមានកម្លាំងចម្រុះចូលរួមចុះអនុវត្ត​តាម​សា​លដីការលេខៈ១០៦()ចុះថ្ងៃ​ទី២៥ ខែមីនា ឆ្នាំ២០១៦ របស់តុលាការកំពូលនោះ ត្រូវ​បានលើ​ក​ពេល និងបន្តធ្វើកា​រសម្រប​ស​ម្រួលតា​មគោ​លនយោបា​យមនុស្សធម៌ ដោយសារ​ការចុះ​អនុវត្ត​នោះ​មា​ន​ការប្រទាញប្រទង់គ្នាពីសំណាក់​​កងកម្លាំង​សមត្ថកិច្ច និងគ្រួសា​ររបស់លោកស្រី សាម ចាន់ (ហៅចៅ យុគចាន់) ព្រមទាំង​ប្រជាព​ល​រដ្ឋ​ ។

លោកស្រី សាម ចាន់ បានប្រាប់អ្នកសារព័ត៌មាន​ថា ពួកខ្លួននូវតែបន្តរារាំង​មិនឲ្យអនុវត្ត​លុះត្រាតែ​ទ​ទួ​ល​មានការដោះស្រាយតា​មគោ​លន​យោបា​យមនុស្សធម៌ ​ឲ្យបានស​មស្របណាមួយ​ ។លោកស្រី បន្តថា​ ដោយសារតែការរារាំង និងស្នើសុំបន្តការដោះស្រាយតាមគោ​លន​យោបា​យមនុស្សធម៌ ពីពួកខ្លួន​នោះ កងក​ម្លាំង​សមត្ថកិច្ច​បាន​ធ្វើកា​រផ្អាកក្នុងការ​អនុវត្ត និង​ឲ្យពួកគាត់ចូលខ្លួន ចរចាគ្នាជាថ្មីម្តងទៀត ។

បើយោយតាមកំណត់ហេតុស្តីអំពីការអនុវត្ត របស់សាលាដំបូងខេត្តសៀមរាប បានបញ្ជាក់ថា ទីតាំង​នៃការអនុវត្តស្ថិតនៅក្នុងភូមិសំរោងជើង ឃុំសំរោង ស្រុកសូទ្រនិគម ខេត្តសៀមរាប អាជ្ញាសាលា​នៃ​សាលាដំបូងខេត្តសៀមរាប បានអានសាលដីការរបស់តុលាការកំពូល,សាលដីការដ្ឋប្បវេណី របស់ សាលាឧទ្ធ​រណ៍​និងសាលក្រមរបស់សាលាដំបូងខេត្តសៀមរាប​ ជូនភាគីទាំងអស់បាន​ស្តាប់។បន្ទាប់ មកអាជ្ញាសាលា​នៃ​សាលាដំបូងបានធ្វើការពន្យល់អំពីខ្លឹមសារនៃសេចក្តីសម្រេច​នេះ និងបាន​បង្គាប់​ឲ្យ​សហកូនបំណុលនៃការអនុវត្តឈ្មោះ​ សាម ចាន់ ហៅចៅ យុគចាន់ និងឈ្មោះ សុច ច្រឹង (ប្តី) ធ្វើការរុះរើអីវ៉ាន់ និង​ចាក់ចេញពីដី និងផ្ទះ ដែលមានទំហំ​១៣ម៉ែត្រ គុណនឹង៥៥ម៉ែត្រ ដោយ​ស្ម័គ​ចិត្តឡើយ ។ដូចនេះ អាជ្ញាសាលា​នៃ​សាលាដំបូង សម្រេចទុកពេល​ឲ្យសហកូនបំណុល​នៃការ​អនុវត្តធ្វើការរុះរើអីវ៉ាន់ និង​ចាកចេញពីដី និងផ្ទះ ដោយស្ម័គ្រចិត្តរហូតដល់ថ្ងៃទី​០៥ ខែតុលា ឆ្នាំ២០​២​២ជាកំហិត។ក្នុងករណី​ដែលសហកូនបំណុល​នៃការអនុវត្តពុំព្រម​អនុវត្តដោយស្ម័គ្រ​ចិត្តតាមការប​រិច្ឆេទនេះទេ អាជ្ញាសាលា នៃសាលាដំបូងខេត្តសៀមរាប​ នឹងអនុវត្តតាមនិតិវិធី។

លោកស្រី សាម ចាន់ ហៅចៅ យុគចាន់ បានបញ្ជាក់ថា លោកតា ចៅ យ៉ាំ និងប្រពន្ធឈ្មោះ យិត ឡាង យកខ្លួនទៅចិញ្ជឹមនិងរស់នៅលើផ្ទះទំនាស់ខាងលើតាំងពីខ្លួនអាយុ៦ឆ្នាំម្លេះ​។ លុះមក​ដល់​ឆ្នាំ១៩​៩​៨ លោកតា និងលោកយាយ​បានរៀបចំមង្គលការ​ឲ្យមានប្តីដែលមានឈ្មោះ សុច ច្រឹង រហូត​មានកូនបីនាក់រស់នៅលើដីមានទំនាស់ខាងលើនេះមកដល់បច្ចុប្បន្នជាង៣០ឆ្នាំ​មកហើយ​ ដោយ​បាន​ចុះស្ថិតិស្នាក់នៅ​ត្រឹមត្រូវ​និងយាយ តា ពុំបានចែកទ្រព្រសម្បត្តិឬដីធ្លី ផ្ទះសំបែង​ឲ្យ​នោះ​ទេ។ចំណែក​ឈ្មោះ យិត ខាវ ត្រូវជាកូនបង្កើតលោកតា យាយ ដែលជាដើមបណ្តឹង​និងកូន​ៗផ្សេង​ទៀតរបស់​លោកតា យាយ មិនដែលមករស់នៅលើដី និងផ្ទះ​ទំនាស់នេះទេ​គឺគ្រាន់តែ​មក​លេងម្តង​ម្កាលពេល​បុណ្យទាន​ប៉ុណ្ណោះ ហើយពួគាត់សុទ្ធសឹងតែមានផ្ទះសំបែង​រស់នៅរៀងៗខ្លួន គឺខ្លះនៅ​ភ្នំពេញ ខ្លះនៅសៀមរាប និងខ្លះទៀតនៅសហរដ្ឋអាមេរិច។ស្រាប់តែនៅថ្ងៃទី​១៨ ខែ​កក្កដា ឆ្នាំ២០​១៤ ឈ្មោះ​ ឃិត ខាវ និងប្រពន្ធ​ឈ្មោះ សោ ប៊ុនណារី (ត្រូវជាកូនបង្កើតនិងងកូនប្រសារលោកតា យាយ បច្ចុប្បន្ន​រស់នៅខេត្តសៀមរាប​) បានដា​ក់ពាក្យបណ្តឹងទៅសា​លាដំបូង​ខេត្តសៀមរាប​ រហូត​ដល់​តុលា​ការកំពូល​។ចុងក្រោយ​កំពូលស​ម្រេច​ប្រគល់​ដី និងផ្ទះ ខាងលើ​ឲ្យទៅឈ្មោះ​ ឃិត ខាវ និងប្រពន្ធ​ឈ្មោះ សោ ប៊ុនណារី អ្នកកាន់​កាប់និងគ្រប់គ្រង​ ។ចំពោះការសម្រេចខាងលើ​នេះលោ​ក​ស្រី សាម ចាន់ និងគ្រួសារ មិនជំទាស់នោះទេ ប៉ុន្តែ​ដោយសា​ររូបខ្លួន​បានរស់នៅលើដីនិងផ្ទះ​នេះ​ និង​បានបម្រើ​លោកតា យាយ តាំងពី​ខ្លួន​អាយុ៦ឆ្នាំ រហូត​បច្ចុប្បន្នជាង៣០ឆ្នាំ ដូច្នេះស្នើ​ឲ្យមានការ​ដោះស្រាយតាមគោលនយោបាយមនុស្សធម៌ ​ឲ្យទទួលបាន​សមស្របណាមួយ ។ជុំវិញបញ្ហាខាងលើនេះ រហូតមកដល់ពេលនេះអង្គភាពយើងមិនអាចសុំការពន្យល់ណាមួយពីភាគីម្ខាងទៀតបាននោះទេ តែទោះយ៉ាង​ណាក្តីអង្គភាពយើងរងចាំការបំភ្លឺពីសាមីពាក់ព័ន្ធរាល់ម៉ោងធ្វើការ ៕

ព័ត៌មានលំអិត​សូមអញ្ជើញទស្សនានូវវីដេអូរ​ បទសម្ភាសរវាង​អ្នកសារព័ត៌មាន និងលោកស្រី សាម ចាន់ រួមនឹងប្រជាពលរដ្ឋ ដែលមានខ្លឹមសារដូចខាងក្រោម៖

Related Articles

Leave a Reply

Your email address will not be published.

Back to top button
error: Content is protected !!