ព័ត៌មានជាតិ

នគរបាលក្រុងប៉ៃ​លិន នាំខ្លួនអ្នកក​ត់កន្ទុយ​លេខ ៣នាក់ ទៅណែ​នាំ​អប់រំ

(ប៉ៃលិន)៖អ្នកកត់កន្ទុ​យលេខចំនួន៣នាក់ នៅក្រុងប៉ៃលិន ត្រូវបានកម្លាំង​អធិការដ្ឋាននគរបាល​ក្រុងប៉ៃលិន នាំខ្លួនយកទៅធ្វើការណែនាំអប់រំ កាលពីរសៀលថ្ងៃទី១៣ ខែមិថុនា ឆ្នាំ២០២២។

 

យោងតតាមរ​បាយការណ៍របស់លោកវរសេនីយ៍ឯក យ៉ែម សារិទ្ធ អ​ធិការនគរបា​លក្រុងប៉ៃលិន បាន​ឱ្យដឹ​ងថា ការចុះបង្ក្រាបនេះលើ​ទីតាំងចំនួន៣ ដោយទីតាំងទី១ នៅចំ​ណុចផ្សារជាងអូន ភូមិ​ប៉ាហ៊ីត្បូង សង្កាត់ប៉ៃលិន​/ក្រុងប៉ៃលិន/ខេត្តប៉ៃលិន បាន​នាំខ្លួនអ្នកក​ត់កន្ទុយលេខចំនួន ២នាក់ ជា​ស្ត្រី មា​នឈ្មោះ ឈីវ ហ៊ុច ភេទស្រី អាយុ៤៤ឆ្នាំ ជនជាតិខ្មែរ ​សញ្ជាតិខ្មែរ រស់នៅភូមិប៉ាហ៊ីត្បូង សង្កាត់​ប៉ៃលិន/ក្រុង/ខេត្តប៉ៃលិន ដកហូតបាននូវវត្ថុតាង សៀវភៅក​ត់ឆ្នោតចំនួន២ក្បាល ម៉ាស៊ី​នគិតលេខ ០១គ្រឿង បន្ទាត់​ចំនួន២ ប៊ិក​ចំនួន ៣ដើម និងប្រាក់បាតចំនួន ១,០០០បាត ,ប្រាក់រៀល ១១០​,០០០រៀល និងប្រាក់​ដុល្លារ ២១ដុល្លារ។

ចំណែកឈ្មោះ ​យឹម ស្រីអូន ភេទស្រី អាយុ​៣៩ឆ្នាំ ជនជាតិខ្មែរ សញ្ជាតិខ្មែរ​ រស់នៅភូមិចំការកាហ្វេ សង្កាត់ទួលល្វា ក្រុង/ខេត្តប៉ៃលិន ដកហូតវត្ថុតា​ងសៀវភៅសម្រាប់ក​ត់ឆ្នោតចំនួន ១ក្បាល ទូរស័ព្ទ​ដៃ​ចំនួន១គ្រឿង ប៊ិកចំនួន១ដើម បន្ទាត់ចំនួន១​ដើម និងប្រាក់រៀលចំនួន ៦៦,០០០រៀល។

 

ចំពោះទី​តាំងទី២ នៅចំណុច​ផ្សារអូរច្រា ភូមិអូរច្រាកណ្តាល ​សង្កាត់ទួលល្វា ក្រុង/ខេត្តប៉ៃលិន នាំ​ខ្លួន​អ្នកកត់កន្ទុយលេខចំនួន​១នាក់ឈ្មោះ ឌឿក រំដួល ​ភេទស្រី អាយុ៣៥ឆ្នាំ មុខរបរអាជីវករ រស់នៅ​ភូមិអូរច្រាកណ្តាល សង្កាត់ទួលល្វាក្រុង/ខេត្តប៉ៃលិន ដកហូតវត្ថុតាង សៀវភៅកត់ឆ្នោតចំនួន ១ក្បាល ប្រាក់​បាតចំនួន ១,០៧០បាត ប្រាក់រៀល​ចំនួន ១០៥,០០០រៀល ក្រដា​សផ្តាន​ចំនួ​ន០១សន្លឹក។

 

ក្រោយ​ពីបង្ក្រាបម​ន្ត្រីនគរ​បាលជំនាញក្រុង​បានដកហូតវត្តុ​តាងសរុប សៀវភៅ​កត់ឆ្នោតចំនួន ៤ក្បាល ម៉ាស៊ីនគិតលេខចំនួន ១គ្រឿង បន្ទាត់​ចំនួន៣ និង ប៊ិកចំនួន​៦ដើម ក្រដាសផ្តាន ១សន្លឹក ទូរស័ព្ទ​ចំនួន ១គ្រឿង ប្រាក់បាតចំនួន ២,០៧០បា​ត ប្រាក់រៀល ២៨១,០០០រៀល និងប្រាក់ដុល្លារ ២១ដុល្លារ។ក្រោយពីបង្ក្រាប ត្រូវបានស​មត្ថកិច្ច​ធ្វើការណែនាំអ​ប់រំនិងធ្វើកិច្ច​សន្យាអោយ​ឈប់ប្រព្រឹ​ត្តតទៅទៀត​ ហើយអោយបងប្អូនធានា​យកទៅផ្ទះវិញ៕ ដោយ ៖ លោក ក្រូច ណាវី

Related Articles

Leave a Reply

Your email address will not be published.

Back to top button
error: Content is protected !!