(បន្ទាយមានជ័យ)
រទេះសាឡី ចំនួន២គ្រឿងថ្មីស្រឡាង និង ឈាបនដ្ឋាន ស្ថិតនៅវត្តឫស្សីក្រោក ស្រុកមង្គលបូរី ខេត្តបន្ទាយមានជ័យ ត្រូវបានធ្វើពិធីបុណ្យសម្ពោធឆ្លង នាព្រឹកថ្ងៃទី២៨ ខែកក្កដា ឆ្នាំ២០២៥ ។ដែលរទេះសាឡីទាំង ២គ្រឿងនេះគឺជា សទ្ធាជ្រះថ្លារបស់ឯកឧត្ដមអ្នកឧកញ្ញ៉ា នូ ស៊ីថា និងលោកជំទាវ សុខ សុភា ហើយត្រូវបានធ្វើការបែងចែក ទុកសម្រាប់ប្រើប្រាស់ជាទូទៅ ក្នុងវត្តឬស្សីក្រោក ១គ្រឿង សម្រាប់ប្រើប្រាស់នៅវត្តកោះកែវលង្ការាម ចំនួនមួយគ្រឿង។
បើតាមរបាយការណ៍របស់លោកគ្រូ យ៉ា ថន ដែលជាគណៈកម្មការវត្តបានឲ្យដឹងថា រទេះសាឡីនេះ មានទំហំ ដូចគបណ្តោយ៩ ម៉ែត្រ ទទឹង ២,៦០ម៉ែត្រ ផ្ទុកចំនួន ៩តោន មានក្បាលនាគបី កន្ទុយនាគបី ក្នុង១គ្រឿង ចំណាយអស់ ២៥០០០។
ព្រះគ្រូសិរីមង្គល សំ វីរៈ ដែលជាព្រះគ្រូចៅអធិការវត្តឫស្សីក្រោក ព្រះអង្គឲ្យមានសង្ឃដីកាថ្លែង អំណរ ព្រះគុណ ចចំពោះម្ចាសសទ្ធាដែលបានចំណាយទ្រព្យធនផ្ទាល់ខ្លួនបង្កើត បានជាទ្រព្យសម្បត្តិរួមដូចជារទេះសាឡី និងឈាបនដ្ឋាន ដែលជាបំណងប្រាថ្នាជាយូរមកហើយសម្រាប់ប្រជាពុទ្ធបរិស័ទគ្រប់ៗរូប។
លោក អ៊ូ សុភាព អភិបាលរង ស្រុកមង្គលបូរី បានមានប្រសាសន៍ថា សមិទ្ធផលដែលបានធ្វើបុណ្យឆ្លងថ្ងៃនេះ ដូចជារទេះសាលីជាដើមដែលមានភាពស្រស់ស្អាតក្បាច់រចនាបែបខ្មែរពិតៗ និងសូមគោរពអរគុណ ចំពោះម្ចាស់សទ្ធា យ៉ាងក្រៃលែង ។
ក្នុងឱកាសសំណេះសំណាលនេះផងដែរលោកបានបញ្ជាក់ផងដែរ ពីសភាពការណ៍នៅតាមព្រំដែនកម្ពុជាថៃដោយទាហានសៀមកំពុងតែធ្វើការឈ្លានពាន អធិបតេយ្យភាព របស់កម្ពុជាយ៉ាងគឃ្លើន ៥ថ្ងៃមកហើយបានធ្វើការបាញ់ផ្លោងអាវុធធុនតូចធំដូចជាយន្តហោះ F_16 ទម្លាក់គ្រាប់បែកមកលើទឹកដីកម្ពុជា មកលើប្រាសាទ បង្កឲ្យមានអ្នកស្លាប់និងរបួសទាំងយោធានិងប្រជាជនខ្មែរស្លូតត្រង់រាប់សិបនាក់ ឲ្យប្រជាពលរដ្ឋមានការភ័យខ្លាចរត់គេចខ្លួនចាកចេញមករកទីទួលសុវត្ថិភាពបង្កឲ្យមានភាពទុក្ខសោកវេទនា ព្រាត់ប្រាសផ្ទះសំបែង សិស្សានុសិស្សកខានការសិក្សារៀនសូត្របាត់បង់នូវការរកទទួលទានប្រចាំថ្ងៃ ក៏ប៉ុន្តែសូមធ្វើការកោតសរសើរនិងលើកទឹកចិត្តចំពោះស្ថិរភាពកងទ័ពខ្មែរយើងដែលអង់អាចក្លាហានការពារទឹកដី បានគ្រប់គ្រងទាំងស្រុងចំពោះប្រាសាទទឹកដីមិនឲ្យបាត់បង់សូម្បីតែមួយមីលីម៉ែត្រនោះឡើយ៕
