(ខេត្តបន្ទាយមានជ័យ) មន្ទីរធម្មការ និងសាសនាខេត្តបន្ទាយមានជ័យ បានសហការជាមួយគណៈកម្មការគ្រិស្តបរិស័ទខេត្ត រៀបចំពិធីសំណេះសំណាល និងផ្សព្វផ្សាយលិខិតបទដ្ឋានគតិយុត្តនានា ដល់គណៈកម្មការគ្រិស្តបរិស័ទគ្រូគង្វាលទូទាំង ខេត្តបន្ទាយមានជ័យនៅព្រឹកថ្ងៃទី២៣ ខែកក្កដា ឆ្នាំ២០២៥ នាសាលាខេត្តបន្ទាយមានជ័យ កក្រោមអធិបតីភាពលោក យុត ស្វីតនី សមាជិកក្រុមប្រឹក្សាខេត្ត លោក លី សុវណ្ណារិទ្ធ អភិបាលរង ខេត្ត ។
លោក ហម ស៊ុយ ប្រធានគណៈកម្មការគ្រិស្តបរិស័ទខេត្តបានមានប្រសាសន៍ថា ក្រុមជំនុំ ទូទាំងខេត្តបន្ទាយមានជ័យប្រមាណជាង ២២៥កន្លែង ដែលមានសមាជិកសរុបប្រមាណជិត ៥៥៤៩នាក់ ស្រីចំនួន ៣៦១៤នាក់ និងមានច្បាប់ចំនួន៥៦កន្លែង កំពុងរត់ច្បាប់ចំនួន ៤០កន្លែង នៅមិនទាន់មានច្បាប់ចំនួន១២៦កន្លែង។ នៅក្នុងក្រុមជំនំ ចំនួន ២២៥កន្លែងនោះ មានវិហារ ២៥កន្លែង ស្នាក់ការចំនួន ២០០កន្លែងហើយមាន និកាយចំនួន ២២រួមមាន ប្រូតេស្តង់ចំនួន ៣១កន្លែង មេតូឌីសចំនួន ១៣កន្លែង បាប់ទីស្ទចំនួន៣២កន្លែង ដំណឹងល្អទាំងបួនចំនួន ១១កន្លែង កាតូលិកចំនួន ៤កន្លែង ឯករាជ្យ ចំនួន ៥១កន្លែងណាស្សារីនចំនួន ៧កន្លែង សេវិនដេយ ចំនួន ៦កន្លែង សាវ័កថ្មីចំនួន៥កន្លែង គ្រិស្តបរិស័ទខ្មែរចំនួន២០កន្លែង ប្រេសធេីរៀនចំនួន១២កន្លែង ទន្លេជីវិតចំនួន ៤កន្លែង CMAចំនួន ៦កន្លែង ជីវិតថ្មីចំនួន ១កន្លែង ស្តារឡើងវិញចំនួន១កន្លែង បេសកម្មដំណឹងល្អចំនួន១កន្លែង សម្ព័ន្ធមេត្រីចំនួន ៤កន្លែង AOGចំនួន១កន្លែង KFCចំនួន១កន្លែង សមាគម ១កន្លែង អង្គការចំនួន ២កន្លែង និងមណ្ឌលចំនួន១កន្លែង។ ជាពិសេសគ្រិស្តបរិស័ទយេីង បានចូលរួមចំណែកជាច្រើនជាមួយរដ្ឋបាលខេត្តដូចជា ផ្នែកសុខភាពអនាម័យ ទឹកស្អាត គម្រោងប្រភពទឹក នៃក្ដីសង្ឃឹមផ្នែកកសិកម្ម សេដ្ឋកិច្ចសង្គមកិច្ច ផ្នែក មនុស្សធម៌ និងសាខាអនុសាខាកាកបាទក្រហម។
លោក លី សុវណ្ណារិទ្ធ អភិបាលរងខេត្ត បានមានប្រសាសន៍ថា សេរីភាពខាងជំនឿសាសនា គឺពិតជា ត្រូវបាន រាជរដ្ឋាភិបាល យកចិត្តទុកដាក់និងលើកកម្ពស់ ដល់វិស័យសាសនាដទៃទៀត មិនថាឡើយ ព្រះពុទ្ធសាសនាអ៊ិស្លាមសាសនា គ្រិស្តសាសនាឬសាសនាដទៃទៀតនោះឡើយ ពោលគឺប្រជាពលរដ្ឋ មានសិទ្ធសេរីភាពពេញលេញ ខាងជំនឿសាសនាដែលខ្លួនពេញចិត្ត ដោយគ្មានពលរដ្ឋណាម្នាក់ ត្រូវបានគេចាប់បង្ខំឲ្យជឿលើសាសនាណាមួយនោះឡើយ ។ ររាជរដ្ឋាភិបាលនីតិកាលទី៧ នៃរដ្ឋសភាក្រោមការដឹកនាំប្រកបដោយភាពម៉ឺងម៉ាត់ និងប្រាកដនិយម របស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានដឹកនាំបន្តពីសម្ដេចអគ្គមហាសេនាបតីតេជោហ៊ុន សែន អតីតនាយករដ្ឋមន្ត្រីបច្ចុប្បន្នជាប្រធានព្រឹទ្ធសភា មិនមានសាសនាណាមួយ ប្រកាន់និន្នាការជ្រុលនិយមនោះទេ ហើយនេះគឺជាតថភាពមួយ ដែលឆ្លុះបញ្ចាំងឲ្យឃើញពីគុណតម្លៃនៃសាមគ្គីភាពនិងភាពសុខដុមរមនាសាសនានៅកម្ពុជា ក្រោមដំបូលនៃសុខសន្តិភាព ធ្វេីអោយសាសនាទាំងអស់ រស់នៅរួមគ្នាប្រកបដោយសុខក្សេមក្សាន្ត។ ចុងបញ្ចប់នៃកម្មវិធី លោក ខៀវ សុនិមល អនុប្រធានមន្ទីរធម្មការនិងសាសនាខេត្តបានឡើងធ្វើបទបង្ហាញស្ដីពីលិខិតបទដ្ឋានគតិយុត្តនានា ដែលគណៈកម្មការគ្រិស្តបរិស័ទដែលបានចូលរួមនាថ្ងៃនេះ ព្រោះថាក្រុមជំនុំគ្រិស្តបរិស័ទទូទាំងខេត្តសរុបចំនួន ២២៥កន្លែង ប៉ុន្តែទើបតែមានច្បាប់បទដ្ឋានគតិយុត្តបានត្រឹមតែ ៥៩កន្លែង កំពុងរត់ច្បាប់ចំនួន ៤០កន្លែងទៀត ដូចនេះចំនួន ១២៦កន្លែងទៀត ពុំទាន់ធ្វើការ រត់ច្បាប់នៅឡើយ ដូចនេះសុំឲ្យក្រុមជំនុំគ្រិស្តបរិស័ទរួសរាន់ធ្វើការសុំច្បាប់ឲ្យបានត្រឹមត្រូវ ដូចមាន ទិសស្លោកមួយបានពោលថា ប្រទេស មានច្បាប់ គ្រួសារមានវិន័យ៕
