មន្ទីរធម្មការនិងសាសនាខេត្តបន្ទាយមានជ័យ ប្រកាសព្រះចៅអធិការស្ដីទី ឲ្យឡើងជាព្រះចៅអធិការ វត្តពង្រុះ សង្កាត់ភ្នៀត ក្រុងសិរីសោភ័ណពេញសិទ្ធិ
(បន្ទាយមានជ័យ)៖តាមការចាំបាច់របស់សាលាអនុគណ ក្រុងសិរីសោភ័ណ ព្រះឧត្តមសីលញ្ញាណ ធុលសុធាព្រះមេគណខេត្ត និងមន្ទីរធម្មការ និងសាសនាខេត្តបន្ទាយមានជ័យ បានសម្រេចតែងតាំងព្រះភិក្ខុ ហ៊ីង សម្បត្តិ ព្រះជន្ម៤០វស្សា នៅវត្តពោធិសត្ថារាមពង្រុះសង្កាត់ភ្នៀត ក្រុងសិរីសោភ័ណ ខេត្តបន្ទាយមានជ័យ ចៅអធិការស្ដីទី ឲ្យឡើងជាចៅអធិការ ពេញសិទ្ធិ ចាប់ពីព្រឹកថ្ងៃទី១៩ ខែមិថុនា ឆ្នាំ២០២២នេះតទៅ។
នាកាសឱកាសនោះព្រះតេជគុណ ហ៊ីង សម្បត្តិ ព្រះចៅអធិការវត្តទើបឡើងថ្មីបានប្ដេជ្ញាចិត្តក្នុងការដឹកនាំដោយសហការឲ្យបានល្អប្រសើរជាមួយគណៈកម្មការ អាចារ្យ ព្រះសង្ឃ អាជ្ញាធរអង្គភាពពាក់ព័ន្ធនឹងប្ដេជ្ញារម្ងាប់អធិករណ៍ សហការគ្រប់គ្រងគរុភណ្ឌសង្ឃមានដីធ្លីវត្តអារាម និងអប់រំពុទ្ធសាសនិកជនឲ្យរៀនសូត្របដិបត្តិធម៌ មានបិដក ជាគោល។ព្រះតេជគុណបន្តថា នៅវត្តនេះគឺជាវត្តដាច់ស្រយាលឆ្ងាយពី ប្រជុំជនព្រមទាំងមានប្រជាពុទ្ធបរិស័ទចំណុះជើងវត្ត មួយភូមិប្រមាណជាង១០០គ្រួសារតែប៉ុណ្ណោះ រីឯព្រះវិហារនៅពុំទាន់រួចរាល់នោះឡើយខ្វះខាតនូវថវិកា ដើម្បីសាងសង់បន្តទៀត។ក្នុងនាមជាព្រះគ្រូចៅអធិការវត្តសូមអំពាវនាវ បិណ្ឌបាតដល់ឯកឧត្តម លោកជំទាវ លោក អស់លោក លោកស្រី សប្បុរសជនជិតឆ្ងាយ មេត្តាចូលរួមជាសទ្ធាជ្រះថ្លា ដើម្បីបានកសាងនៅព្រះវិហារនេះឲ្យបានរួចរាល់ជាស្ថាពរ សម្រាប់ជាប្រយោជន៍បានប្រជាពុទ្ធបរិស័ទដែលជាអ្នកជឿជាក់នៃព្រះពុទ្ធសាសនា។
លោក បៀវ ថាន ប្រធានមន្ទីរធម្មការនិងសាសនាខេត្តបានមានប្រសាសន៍លើកឡើងថា បញ្ហាព្រះចៅអធិការមានតួនាទីគ្រប់គ្រងទទួលខុសត្រូវទាំងស្រុងក្នុងវត្តនូវបញ្ហាទាំងឡាយទាំងពួង ដែលកើតមានឡើងដើម្បីដោះស្រាយនូវជម្លោះអាជីវករដែលកើតមានឡើងរីឯគណៈកម្មការឬក៏អាចារ្យវត្តមានតួនាទីជាអ្នកជំនួយព្រះចៅអធិការវត្តតែប៉ុណ្ណោះ មិនមែនមកចាត់ចែងសម្រេចការងារអ្វីបាននោះឡើយនិយាយឱ្យខ្លីទៅគឺព្រះចៅអធិការវត្ត គឺជានាក់សម្រេច។
លោក បៀវ ថាន បានបន្តថា ភាពជាអ្នកដឹកនាំសំខាន់រួមសុខរួមទុក្ខជាមួយគ្នារកនូវសន្តិភាពរួមគ្នាសាមគ្គីភាពរួមគ្នាអភិវឌ្ឍរួមគ្នាព្រមទាំងរក្សាតម្លៃ នៃព្រះពុទ្ធសាសនាដែលយើងឲ្យបានគង់វង្សយូរអង្វែង តាមពិតណាស់សាសនាព្រះពុទ្ធនៅយើងជាទូទៅ ត្រូវបានមនុស្សនៅលើសកលលោកភាគច្រើនមានអ្នកគោរពជឿទុកចិត្តបានចាត់ទុកសាសនាព្រះពុទ្ធសាសនានូវសុខសន្តិភាព៕
