ខេត្តបន្ទាយមានជ័យ៖យោងតាមប្រកាសនីយបត្រ លេខ០២/២៥ស.ន.ក.ជ ដែលឡាយព្រះហស្ថលេខាដោយ សម្តេចព្រះមហាសុមេធាធិបតី អំ លឹមហេង សម្តេចព្រះសង្ឃនាយកនៃព្រះរាជាណាចក្រកម្ពុជា និងហត្ថលេខាដោយឯកឧត្ដមចាយ បូរិន រដ្ឋមន្ត្រីក្រសួង ធម្មការនិងសាសនា នឹងយោងសំណើលេខ០១៩/២៥ចុះថ្ងៃទី២៣ ខែធ្នូ ឆ្នាំព២០២៤ របស់សាលាអនុគណស្រុកស្វាយចេក បានសម្រេចប្រកាសតែងតាំងព្រះភិក្ខុ មួង ឆាង នាមឆាយាវរឃោសា ព្រះជន្ម ៣១ ព្រះវស្សាជាព្រះចៅអធិការ វត្តពោធិឧត្ដមមារាម តាផូ ឃុំតាផូ ស្រុកស្វាយចេក ខេត្តបន្ទាយមានជ័យ ងារដើម គឺជាព្រះធម្មធរអនុគណស្ដីទី ឲ្យឡើងជាព្រះធម្មធរអនុគណ ស្រុកស្វាយចេក ពេញសិទ្ធិ ចាប់ពីចុងសប្តាហ៍នេះតទៅ ដែលមានភារៈកិច្ចបន្ថែម ដើម្បីជួយដល់កិច្ចការងារទូទៅ ជាមួយព្រះអនុគណស្រុកស្វាយចេក។ បន្ទាប់ពី គណៈអធិបតី ប្រគល់ប្រគេន នូវសេចក្ដីសម្រេច តែងតាំង ដល់ ព្រះវរឃោសា មួង ឆាង រួចមក លោក លឿង សុភ័ក្ត្រ អភិបាលស្រុកស្វាយចេកបានមានប្រសាសន៍ថា ព្រះពុទ្ធសាសនានៅក្នុងពិភពលោកនាពេលបច្ចុប្បន្នត្រូវបានមេដឹកនាំ នៃបណ្ដាប្រទេសជាច្រើន ពិសេសប្រទេសមហាអំណាចធំៗ បានយល់ឃើញស្របគ្នាថា ព្រះពុទ្ធសាសនាជាសាសនា នៃសុខសន្តិភាពអហិង្សា និងស្មារតីបម្រើមនុស្សជាតិ ដែលចាំបាច់ត្រូវតែលើកកម្ពស់ ហើយគោលដៅគឺយកព្រះពុទ្ធសាសនាជាមធ្យោបាយសម្រាប់ដោះស្រាយបញ្ហា ក្នុងបរិបទនៃភាពតានតឹងរវាងគុណតម្លៃ នៃសេរីភាពនិងការប្រតិបត្តិសាសនា។
លោក លឿង សុភ័ក្ត្រ បានបន្តថា ការប្រគល់ភារៈកិច្ចបន្ថែមដល់ព្រះមន្ត្រីសង្ឃនៅថ្ងៃនេះ គឺមានសារសំខាន់បន្តដោះស្រាយ អធិករណ៍ក្នុងព្រះពុទ្ធសាសនាដែលត្រូវផ្អែកលើ សង្ឃប្រកាស លិខិតបទដ្ឋានពាក់ព័ន្ធ ចៀសវាងការប្រើឥទ្ធិពលណាមួយមិនសមស្រប ធ្វើឲ្យ បាត់បងលនូវសីលធម៌ បាត់បង់នូវជំនឿចូលរួមធ្វើការអប់រំផ្សព្វផ្សាយ ទប់ស្កាត់អំពើហិង្សា ចូលរួមធ្វើការអប់រំផ្សព្វផ្សាយទប់ស្កាត់អំពើហិង្សាទប់ស្កាត់ការជួញដូរនិងចរាចរណ៍គ្រឿងញៀន ជាពិសេសអនុវត្តគោរពវិធានការរបស់ក្រសួងធម្មការនិងសាសនាដែលបានដាក់ចេញនូវអភិក្រមស៣ សម្រាប់វត្តអារាម នេះរួមមានស១ វត្តស្អាត ស២ វត្តស្វាង នុង ស៣ វត្ត ស្ងប់។ ចុងបញ្ចប់នៃកម្មវិធី ព្រះសង្ឃ រួមជាមួយប្រជាពុទ្ធបរិស័ទយ៉ាងច្រើនកុះករ បានរៀបចំដង្ហែព្រះវរឃោសា មួង ឆាង ជុំវិញព្រះវិហារបីជុំ និងពិធី វ័ន្ទា ស្រោចស្រពសុគន្ធវារីផងដែរ៕
