ខេត្តក្រចេះ៖ក្រោយពីប្រជុំជំនួបពិភាក្សាការងារជាមួយក្រុមការងារថ្នាក់កណ្ដាលនិងថ្នាក់ស្រុក ពាក់ព័ន្ធកិច្ចការងាររបបប្រជុំ និងការងារដឹកនាំក្របខ័ណ្ឌស្រុក ឃុំ/សង្កាត់ សុំកិច្ចការសហការទាំងក្របខ័ណ្ឌការងាររាជរដ្ឋាភិបាលនិងគណបក្ស នាព្រឹកថ្ងៃទី១៣ ខែមិថុនា ឆ្នាំ២០២៥ នោះឯកឧត្តម សុខ ចាន់ភក្តី រដ្ឋលេខាធិការក្រសួងព័ត៌មាន និងជាប្រធានក្រុមការងារ ចុះមូលដ្ឋានស្រុកចិត្របុរី តំណាងឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន និងជាប្រធានក្រុមការងារចុះមូលដ្ឋានខេត្តក្រចេះ បានឆ្លៀតដឹកនាំសហការី អញ្ជើញចុះសួរសុខទុក្ខ លោក ពុំ ដារ៉ា អតីតប្រធាន ដែលបច្ចុប្បន្នជាទីប្រឹក្សាសមាគមសម្ព័ន្ធយុវជនដើម្បីសន្តិភាព សាខាខេត្តក្រចេះ និងជាអនុប្រធានក្រុមការងារចល័តចុះមូលដ្ឋានស្រុកចិត្របុរី ខេត្តក្រចេះ ដែលរងគ្រោះថ្នាក់ចរាចរណ៍បាក់ជើង កាលពីអំឡុងខែ ឧសភា កន្លងទៅថ្មីៗនេះ នៅទីរួមខេត្តក្រចេះ ។ វាឱកាសនោះដែរឯកឧត្តម បានជូនពរលោក ពុំ ដារ៉ា ឆាប់ជាសះស្បើយពីជំងឺ ដើម្បីបន្តចូលរួមចំណែកបម្រើជាតិក៏ដូចជាប្រជាពលរដ្ឋផងដែ៕
