ព័ត៌មានជាតិ

រដ្ឋបាលខេត្តបន្ទាយមានជ័យ ប្រារព្ធទិ​វាជាតិ ២០ ឧសភា ដើម្បីរំ​លឹកដល់​វិញ្ញាណ​ក្ខ័ន្ធ​អ្នកដែល​បាន​ស្លាប់​ ក្នុងរបបប្រល័យពូជសាសន៍ប៉ុល ព​ត

(បន្ទាយមានជ័យ)ថ្ងៃ ២០ ឧសភា ជាថ្ងៃដែល​ប៉ុ​លពត បានសម្រេច​ដាក់ចេញ​នយោបាយ​ប្រល័​យពូជ​សាសន៍ ទើបប្រជា​ជនកម្ពុជាទូទាំងប្រទេស​កំណត់ថ្ងៃនេះ​ជាទិវាគោរពវិញ្ញាណក្ខ័ន្ធ រំលឹក​ឡើងវិញនូ​វបណ្ដាថ្ងៃដ៏ខ្មៅងងឹត ក្នុងកុកន​រក​លោកីយ៍ប្រល័យ​ពូជសាសន៍ ក្នុងរបប ៣ ឆ្នាំ ៨ខែនិង ២០ ថ្ងៃ។នេះគឺជាប្រសាសន៍លើកឡើងរ​បស់ឯកឧត្តម អ៊ុំ រាត្រី អភិបាល​ខេត្តបន្ទាយមានជ័យ ថ្លែង​ក្នុងពិធី​គោរពវិញ្ញាណក្ខ័ន្ធចំ​ពោះប្រជាជន​កម្ពុជា ដែលបានស្លាប់ ទទួលទារុណ​កម្មយ៉ាងសែ​នខ្លោចផ្សារ និងអយុត្តិធម៌ ទាំងផ្លូវ​កាយ ផ្លូវចិត្ត។ដែលពិធី​នេះប្រារព្ធធ្វើនៅបរិវេណវត្ត សុភមង្គល សង្កាត់អូរអំ​បិល ក្រុងសិរីសោភ័ណ ដែលមានអដិធាតុ តម្កល់នៅ​ទីវត្តអា​រាមនេះ។

បន្ទាប់ពីក្រុមអាចារ្យ គណៈ​កម្មការបានរៀបចំពិធីតាម​បែបព្រះពុទ្ធសាសនា នៃយើងរួចមក ឯកឧត្តម អ៊ុំ រាត្រី បានមានប្រសា​សន៍បញ្ជាក់បន្ថែម​ថា របបប្រល័យពូជសាសន៍ ប៉ុលពត បានសាប​ព្រួស​ឧក្រិដ្ឋកម្មរា​ប់មិនអស់មកលើរ​ចនាសម្ព័ន្ធសង្គមទាំងមូល ត្រូវច្របូក​ច្រប​ល់ក្រឡាប់ចាក់រលំរលាយ ប្រ​ជា​ជន ត្រូវគេ​ដកហូត​នូវសិទ្ធិសេរីភាព សូម្បីតែកា​​ររស់នៅ​ជាមនុស្សក៏គ្មានផង គឺមាន​តែទារុ​ណកម្ម ការ​កាប់សម្លាប់ និងការបំផ្លិចបំផ្លាញ​ប៉ុណ្ណោះដែលប្រជាជនត្រូវទទួល។ ផ្ដើមចេ​ញពីទង្វើ​ដ៏កាចសាហា​វ អមនុស្សធម៌ នាយុគ​សម័យដ៏ខ្មៅងងឹត ក្រោមការត្រួតត្រា​នៃរប​បប្រល័យ​ពូជ​សាសន៍ ដែល​ពាក់ផ្លាក​កម្ពុជា​ប្រជា​ធិបតេយ្យ ដើម្បីបោ​កបញ្ឆោត​មតិជាតិនិងអន្តរជាតិ រួច​ចាប់អ​នុវត្តនយោបា​យប្រល័យ​ពូជសាសន៍ រំលោភច្បាប់ស្ដីពី​ការគោរពសិទ្ធិម​នុស្ស តាមទិសស្លោ​កដែលអង្គកា​រកំណត់គឺ វាយខ្ទេច បំផ្លាញខ្ទេច ជីក​ស្មៅត្រូវជី​កទាំងឬស និង ទុកក៏​មិនចំណេ​ញដកចេញ​ក៏មិនខាត

ឯកឧត្តមបន្តថា ដោយក្តាប់​បាន​នូវចរិត និងផែន​ការប្រកបដោយមហន្តរាយ ដែលនាំទៅ​ដល់ការកា​ររ​លំរលាយ​សាបសូន្យសំរាប់ប្រជា​ជាតិកម្ពុជាទាំងមូល កំលាំងសាមគ្គីប្រជាជា​តិមួយ ត្រូវបាន​ប្រមូលផ្ដុំ​ជាចលនាតស៊ូប្រឆាំង​នឹងរបបកម្ពុជាប្រជាធិបតេយ្យ នៅតំបន់មួយចំនួ​នក្រោយមក​ចលនា​នេះ​ ត្រូវបានប្រមូលផ្ដុំបង្កើតឡើង ជារណសិរ្សសាមគ្គីសង្គ្រាមជា​តិ នាថ្ងៃទី២០ ខែធ្នូ ឆ្នាំ១៩៧៨ ហើយបានប្រមូលផ្ដុំគ្នាយ៉ាង​ឆាប់រហ័សជាកម្លាំងសាមគ្គីជាតិក្រោមទង់រណសិរ្ស ធ្វើការវាយសំរុ​កយ៉ាង​ខ្លាំងក្លាលើរបបប្រល័យពូជសាសន៍ រហូតបានទទួលជ័យជំនះ នាថ្ងៃទី ៧ ខែមករា ឆ្នាំ ១៩៧៩។

បញ្ចប់នៃកម្មវិធីគោរពវិញ្ញាណក្ខ័ន្ធ គណៈអធិបតីបានរាប់បាត្រដល់ព្រះសង្ឃ ១០០ អង្គនិងសូ​មបុញ្ញ​រាសី កុសលផលបុណ្យនៃពិធីបង្សុកូល រាប់បាត្រថ្ងៃនេះសូមជួយបីបាច់ថែរក្សាវិញ្ញាណក្ខ័ន្ធ ប្រជាជន​ដែលបាត់ប​ង់ជីវិតយ៉ាងសែនទារុណខ្លោចផ្សារក្រោមរបបប្រល័យពូជសាសន៍ សូមបានអណ្តែត​ត្រសែត​ទៅកាន់សុគតិភពកុំបីឃ្លៀងឃ្លាតឡើយ៕

Related Articles

Leave a Reply

Your email address will not be published.

Back to top button
error: Content is protected !!