ចេញផ្សាយនៅថ្ងៃទី២៩ ខែមេសា ឆ្នាំ២០២៥
(បន្ទាយមានជ័យ)៖ ម៉ូតូកង់បី(pass app)មួយគ្រឿង ត្រូវបានអគ្គីភ័យឆាប់ឆេះយ៉ាងសន្ធរសន្ធៅ នៅចំណុចយានដ្ឋានជួសជុលមួយកន្លែងដែលមានឈ្មោះថា« អ៊ី អិល (EL) ជួសជុលកង់បីគ្រប់ប្រភេទ»តាមបណ្ដោយផ្លូវជាតិលេខ៥ ស្ថិតនៅភូមិបាលិលេយ្យ១ សង្កា/ត់ក្រុងប៉ោយប៉ែត ខេត្តបន្ទាយមានជ័យ បង្កការភ្ញាក់ផ្អើលនាវេលាម៉ោងជាង០៨ ព្រឹកថ្ងៃទី២៩ ខែមេសា ឆ្នាំ២០២៥ បណ្ដាលឲ្យរងការខូចខាតយ៉ាងដំណំ ។
បើតាមប្រភពព័ត៌មានពីជាងធ្វើម៉ូតូកង់បី(pass app) បានឲ្យដឹងថា មុនពេលកើតហេតុគឺជាងបានធ្វើការជួសជុលម៉ូតូកង់បី(pass app)មួយគ្រឿង ពាក់ស្លាកលេខ ភ្នំពេញ 1JJ-5702 ដោយជាងបានបើកធុងហ្គាស រួចបានយកដែកកេះទៅឈួល ដើម្បីចង់ដឹងថាតើមានហ្គាសឬក៏អត់ ក្រោយមកក៏ត្រូវបានភ្លើងឆាប់ឆេះយ៉ាងសន្ធោសន្ធៅបង្ករការភ្ញាក់ផ្អើល ភ្លាមនោះក្រុមជាងបានយកទឹក និងបំពង់ពន្លត់អគ្គីភ័យធ្វើការបាញ់ពន្លត់ រហូតរលត់ជាស្ថានពរមិនបណ្ដាលឲ្យឆាប់ឆេះប៉ះពាល់ដល់អ្នកដទៃនោះឡើយ ។ពាក់ព័ន្ធករណីខាងលើនេះ ត្រូវបានអ្នកដែលឃើញ ក៏ដូចជាអ្នកនៅក្នុងហេតុការណ៍បានលើកឡើងស្រដៀងៗគ្នាថា ជាងធ្វើនេះខុសបច្ចេកទេស យើងដឹងហើយឥទ្ធិពលហ្គាស ទោះអស់នៅក្នុងធុងក្តី ក៏នៅចំហាយដែរ មិនគួរយកដែកកេះទៅឈួលបែបនេះនោះទេ បើសិននៅទីប្រជុំជន ផ្ទះចង្អៀត ប្រជាពលរដ្ឋរស់នៅច្រើន នោះនឹងមានកើតករណីអគ្គីភ័យទ្រង់ទ្រាយធំ អាចបង្កឲ្យប៉ះពាល់ដល់អ្នកដទៃជាក់មិនខាន ដូច្នេះសូមឲ្យជាងគ្រប់រូបមានការប្រុងប្រយ័ត្នផង៕
