(ប៉ៃលិន)៖ដើម្បីសម្រួលទុក្ខលំបាកក្នុងការធ្វើដំណើររបស់បងប្អូនប្រជាពលរដ្ឋ ជាបុគ្គលិក កម្មករ និយោជិក សិស្ស និស្សិតនោះ រដ្ឋបាលខេត្តប៉ៃលិន ក្រោមការដឹកនាំរបស់លោកជំទាវ បាន ស្រីមុំ អភិបាលនៃគណៈអភិបាលខេត្តប៉ៃលិន បានបញ្ចេញរថយន្តក្រុងដឹកទៅភ្នំពេញដោយមិនគិតថ្លៃ។
យោងតាមរដ្ឋបាលខេត្តប៉ៃលិន បានបញ្ជាក់ថា ក្រុមការងាររដ្ឋបាលខេត្ត នឹងមានរៀបចំរថយន្តក្រុងសម្រាប់ដឹកជញ្ជូនពុកម៉ែបងប្អូនប្រជាពលរដ្ឋ ជាបុគ្គលិក កម្មករ និយោជិក សិស្ស និស្សិត ពីខេត្តប៉ៃលិន ទៅបំពេញការងារ មុខរបររកស៊ី និងបំពេញការសិក្សារៀនសូត្រ នៅរាជធានីភ្នំពេញ មួយថ្ងៃគឺនៅថ្ងៃទី១៧ ខែមេសា ឆ្នាំ២០២៤នេះ ដោយឥតគិតថ្លៃឡើយ។
បញ្ជាក់៖ ទីតាំងនៅមុខសាលាខេត្ត
ម៉ោងចេញដំណើរ៖ ចាប់ម៉ោង៩.៣០នាទីព្រឹក ម៉ោង១១.៣០នាទី និងម៉ោង១.៣០នាទីរសៀល។
ព័ត៌មានបន្ថែម សូមទំនាក់ទំនងលេខ៖ 016 80 3333 / 097 579 7878
