ការបើកចែកម្ហូបដែលជាថវិកាឧបត្ថម្ភរបស់សម្តេចមហាបវរធិបតី ហ៊ុន ម៉ាណែត និង លោកជំទាវបណ្ឌិត ដល់អង្គភាពចំណុះកងពលតូចថ្មើរជើងលេខ៥១
(បន្ទាយមានជ័យ)៖លោកវរសេនីយ៍ឯក ប៉ែន ចន្ធី មេបញ្ជាការរង កងពលតូចថ្មើរជើងលេខ៥១ នាថ្ងៃទី១៦ ខែកុម្ភ: ឆ្នាំ២០២៤ បានដឹកនាំក្រុមការងារ អញ្ជើញចុះត្រួតពិនិត្យការបើកចែកម្ហូបដែលជាថវិកាឧបត្ថម្ភរបស់សម្តេចមហាបវរធិបតី ហ៊ុន ម៉ាណែត នឹងលោកជំទាវបណ្ឌិត ផ្តល់ជូនដល់កម្លាំងទ័ពឈរជើងនៅព្រំដែន ក្នុង១នាក់ ១ថ្ងៃ ៣០០០រៀល បន្ថែមពីលើគោលរបបប្រចាំថ្ងៃ ដល់កម្លាំងចំណុះកងពលតូចថ្មើរជើងលេខ៥១។
ការឧបត្ថម្ភនេះជាការយកចិត្តទុកដាក់របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា និងលោកជុំទាវបណ្ឌិត ដ៏សំខាន់ដល់កងទ័ពជួរមុខ និងលើកកម្ពស់សមត្ថភាពយោធិននៃកងយោធពលខេមរភូមិន្ទ។
នាយទាហាន នាយទាហានរង ពលទាហាន ចំណុះកងពលតូចថ្មើរជើងលេខ៥១ ទាំងអស់ សូមគោរពថ្លែងអំណរគុណយ៉ាងជ្រាលជ្រៅ និងសូមគោរពជូនពរ សម្ដេចមហាបវរធិបតី នាយករដ្ឋមន្រ្តីនៃព្រះរាជាណាចក្រកម្ពុជា និងលោកជំទាវបណ្ឌិត សូមមានសុខភាពល្អ បវរសួស្តី ជ័យជំនះគ្រប់ភារកិច្ច និងសូមសមប្រកបដោយពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕
