យុវជន១ក្រុមជិៈម៉ូតូឆ្លងផ្លូវជាតិលេខ៥ ត្រូវបានរថយន្តទៅសាកសព បើកលឿនទៅបុកបណ្តាលស្លាប់ម្នាក់ នៅក្នុងក្រុងសិរីសោភ័ណ
ខេត្តបន្ទាយមានជ័យ៖យុវជន១ក្រុមជិៈម៉ូតូឆ្លងផ្លូវជាតិលេខ៥ ត្រូវបានរថយន្តទៅសាកសព បើកក្នុងល្បឿនលឿនបានបុក បណ្តាលស្លាប់ម្នាក់នៅល្ងាចថ្ងៃទី២៨ ខែកក្តដា ឆ្នាំ២០២៣ នៅផ្លូវវាងក្រុង ស្ថិតភូមិគាប សង្កាត់ទឹកថ្លា ក្រុងសិរីសោភ័ណ ខេត្តបន្ទាយមានជ័យ។
អ្នកឃើញហេតុការាណ៍បានប្រាប់ឲ្យដឹងថា៖នៅមុនពេលកើតហេតុមានយុវជន១ក្រុមមានគ្នាប្រមាណ៥ទៅ៦នាក់ ម៉ូតូ៣ទៅ៤គ្រឿងបើកឆ្លងផ្លូវជាតិលេខ៥ ក្នុងទិសដៅពីត្បូងទៅជើងហើយមានម៉ូតូជនរងគ្រោះជិៈគ្នា២នាក់ បើកបរក្រោយគេ ពេលឆ្លងជិតពាក់កណ្តាលផ្លូវ មានយុវជនម្នាក់ជិៈខាងក្រោយឃើញឡានមកដល់លោតចុះពីលើម៉ូតូដូចជារុញម៉ូតូចូលឡាន ដែលកំពុងបើកបរលឿនតាមផ្លូវជាតិលេខ៥ ក្នុងទិសដៅពីកើតមកលិចបានបុកពេញទំហឹង បណ្តាលជនរងគ្រោះប៉ើងខ្ចាយទៅបុកបង្គោលតាមផ្លូវ បណ្តាលម៉ូតូធ្លាក់ទឹកនិងជនរងគ្រោះធ្លាក់ចិញ្ចើមផ្លូវរបួសធ្ងន់ មិត្តភក្តិលើឡើងដើម្បីសង្គ្រោះក៏ស្រាប់តែស្លាប់។
មន្ត្រីការិយាល័យចរាចរណ៍ផ្លូវគោក នៃស្នងការដ្ឋាននគរបាលខេត្តបន្ទាយមានជ័យបានឲ្យដឹងថា៖មូលហេតុគ្រោះថ្នាក់ចរាចរណ៍កើតឡើងគឺជនរងគ្រោះជិៈម៉ូតូម៉ាក់ហុងដាវ៉េវសេរីចាស់ឌុបគ្នា២នាក់បានបើកបរឆ្លងផ្លូវក្នុងចំណោមមិត្តភក្តិម៉ូតូ៣ទៅ៤គ្រឿង ហើយរថយន្តមន្ទីពេទ្យខេត្តកំពង់ឆ្នាំងបានទៅបុកពេញទំហឹង បណ្តាលស្លាប់ម្នាក់ដែលស្គាល់ឈ្មោះ ជី វ៉ាន់នុត ភេទប្រុស អាយុ១៦ឆ្នាំ (ជាសិស្ស)រស់នៅភូមិ.សង្កាត់អូរអំបិល ក្រុងសិរីសោភ័ណ។ ក្រោយវាស់វែងហើយបានដឹកសាកសពជូនគ្រួសារសាច់ញាតិយកទៅធ្វើបុណ្យតាមប្រពៃណី ។ចំណែកអ្នកបើកបររថយន្តនិងរថយន្តអ៊ុប៊ុយឡង់ រួមនិងម៉ូតូជនរងគ្រោះ ត្រូវបានយកទៅរក្សាទុកនៅស្នងការដ្ឋាននគរបាលខេត្តបន្ទាយមានជ័យ ដើម្បីដោះស្រាយតាមច្បាប់ចរាចរណ៍ផ្លូវគោកជាក្រោយ៕
