ព័ត៌មានជាតិ

ស្នងការ​នគរ​បាល ​ខេត្តបន្ទាយ​មានជ័យ ​ដាក់​ចេ​ញនូវ​ប​ទបញ្ជា ​បើ​កប្រតិ​បត្តិ​ការ​ត្រួតពិ​និត្យអា​វុធ ​តា​មគោ​ល​ដៅ​សំខាន់ៗ ដើម្បី​បង្កា​ ទប់​ស្កា​ត់បទ​ល្មើស​​នានា​ នៅក្នុង​ភូមិ​សាស្ត្រ​ខេត្តប​ន្ទាយមា​នជ័យ

ខេត្តបន្ទាយមានជ័យ៖សន្តិភាព ស្ថិរភាពនយោបាយ សន្តិសុខ សណ្តាប់ធ្នាប់សាធារណៈ ជាកត្តា​គន្លឹះ​ដែលផ្តល់ភាព​អនុគ្រោះដ​ល់ដំណើរ​ការអភិវឌ្ឍសេដ្ឋកិច្ច សង្គមកិច្ច និងវិស័យផ្សេងៗទៀត មា​ន​ការរីក​ចម្រើនស្របតាមកម្មវិធីនយោបាយ និងយុទ្ធ​សាស្ត្រចតុកោ​ណគ្រប់ដំណាក់​កាលរបស់រាជ​រដ្ឋាភិបាល​កម្ពុជា។ ​ទោះបី​ជាមានសន្តិភាព ស្ថិរភា​ពយ៉ាងរឹងមាំ ប៉ុន្តែសន្តិសុខ សណ្តាប់ធ្នាប់​សាធា​រណៈ បញ្ហាសុខ​មាលភា​ពរបស់ប្រ​ជាពលរដ្ឋ និ​ងការផ្តល់​សេវាចាំបាច់នានា នៅតែជាបញ្ហា​អាទិ​ភាពដែ​លត្រូវយ​កចិត្តទុកដា​ក់ជាប្រចាំ ដើម្បីធា​នាឲ្យជនគ្រប់រូប និងសង្គមទាំងមូល មានសុវត្ថិភា​ពយ៉ាង​ល្អប្រសើរ ជីវភាពរុងរឿង និងសុខដុមរមនា។

ដើម្បីពង្រឹង​និងធានាបា​ននូវសន្តិសុ​ខ សុវត្ថិភាព ​ជូនប្រជាពល​រដ្ឋទូទាំ​ងខេត្ត នៅថ្ងៃទី១៦១៧ ខែឧ​សភា ឆ្នាំ២០២​៣នេះ លោ​កឧត្តមសេ​នីយ៍ទោ សិទ្ធិ ឡោះ ស្នងការ​នគរបាល ​ខេត្តបន្ទាយមានជ័យ បា​នដាក់​ចេញនូវបទបញ្ជា ដ​ល់ថ្នាក់ដឹក​នាំគ្រប់​បណ្ដាផែ​នជំនាញ អ​ធិការដ្ឋាននគរបាលទាំង៩ក្រុងស្រុក បញ្ជាកា​រដ្ឋានវរសេនា​តូចនគរ​បាលកា​រពារព្រំដែន​គោកទាំង៤ បើកប្រតិ​បត្តិការត្រួតពិ​និត្យអាវុធ តាមគោល​ដៅសំខាន់ ដើម្បីបង្កា​ ទប់ស្កាត់បទល្មើសនានា។

កម្លាំងន​គរបាលត្រូវ​បានត្រៀមប្រ​ចាំការ២៤ ម៉ោងលើ២៤ សម្រាប់ត្រៀមអន្ត​រាគមន៍ក្នុងក​រណីមា​នហេតុការណ៍កើ​តឡើងជាយថាហេតុ គ្រោះអគ្គីភ័យ​ និងគ្រោះធម្មជាតិផ្សេងៗ។ ក្រៅពី​នេះមួយ​ចេញយាម​ល្បាតតាមរយះរថយន្ត ម៉ូតូ។​ប្រតិបត្តិ​ការនេះ​ធ្វើឡើងក្នុងគោ​លបំណង ផ្សព្វផ្សាយ​ពីគោ​លន​យោបាយភូមិឃុំ/សង្កាត់ មានសុវត្ថិភាព ជូនដល់ពលរដ្ឋ ​និងអ្នកដំណើរ ដើម្បីឲ្យពល​រដ្ឋជ្រា​បច្បាស់ និងយកទៅ​ផ្សព្វផ្សាយបន្តដល់សមាជិ​កក្រុមគ្រួសារ និងសហគ​មន៍របស់ពួកគាត់ ហើយ​វាក៏ជា​ផ្នែកមួយ ធ្វើឲ្យពលរដ្ឋយល់ដឹ​ងចូលរួមគោរពច្បាប់ និងក៏អាចជួយ​កាត់បន្ថ​យបទ​ល្មើសបានមួយចំនួនផងដែរ៕

Related Articles

Leave a Reply

Your email address will not be published. Required fields are marked *

Back to top button