បើករថយន្តដឹកបងប្អូន មកពីកម្មវិធីបង្កក់ក្មួយ នៅឡែម លុះដល់ផ្លូវកោងរេចង្កូតក្រឡាប បណ្តាលឲ្យរងរបួស១៦នាក់
(ខេត្តប៉ៃលិន)៖យ៉ាងហោចណាស់មានមនុស្សប្រុសស្រី ចាស់ក្មេងចំនួន ១៦នាក់ ក្នុងចំណោម១៦នាក់រងរបួសធ្ងន់ ០៧នាក់ និងស្រាល០៩នាក់,០៧ស្រី ក្នុងហេតុការណ៍គ្រោះថ្នាក់ចរាចរណ៍ ដែលបង្កឡើងដោយរថយន្តមួយគ្រឿងបើកបរក្នុងទិសដៅពីត្បូងទៅជើង លើផ្លូវកៅស៊ូ លុះមកដល់ផ្លូវកោងកំពុងឡី ក៏ស្រាប់តែរេចង្កូតបួងចង្កូតមិនមកបណ្តាលឲ្យក្រឡាប់ ៣ត្រឡបដោយខ្លួនឯង ។ករណីគ្រោះថ្នាក់ចរាចរណ៍នេះបានកើតឡើងកាលពីវេលាម៉ោង០៦ និង៤០នាទីព្រឹក ថ្ងៃទី១៨ ខែកុម្ភៈ ឆ្នាំ២០២៣ ស្ថិតនៅក្នុងភូមិកំពង់ចម្លងក្រោម ឃុំសាលាក្រៅ ស្រុកសាលាក្រៅ ខេត្តប៉ៃលិន ។
បើកតាមប្រភពព័ត៍មានពីមន្ត្រីនគរបាលជំនាញស្រុកសាលាក្រៅបានឲ្យដឹងថា ក្រោយពីកើតហេតុភ្លាមៗ មានបងប្អូនប្រជាពលរដ្ឋ និងកម្លាំងជំនាញនគរបាលប៉ុស្ថិ៍ឃុំសាលាក្រៅ សហការជាមួយកម្លាំងនគរបាលជំនាញនៃអធិការស្រុកសាលាក្រៅ មកជួយអន្តរាគមន៍លើកចេញពីរថយន្ត និងហៅរថយន្តសង្គ្រោះបន្ទាន់ ដើម្បីជួយសង្គ្រោះ ព្រមទាំងធ្វើការវាស់វែងតាមជំនាញផងដែរ។
គរបាលបញ្ជាក់ថា ជនរងគ្រោះដែលរងរបួសធ្ងន់ និងស្រាលក្នុងហេតុការណ៍គ្រោះថ្នាក់ចរាចរណ៍ខាងលើនេះរួមមាន៖
ទី១.ឈ្មោះ សូ សាត ភេទប្រុស អាយុ ៤៨ឆ្នាំ ជាអ្នកបើកបររថយន្តម៉ាក់ TACOMA ផ្លាកលេខ2A.9395 ពោធិ៍សាត់ របួស(ស្រាល)។
ទី២.ឈ្មោះ អេង ភឿត ភេទស្រី អាយុ៥៤ឆ្នាំ អ្នករួមដំណើរ របួសបាក់ជើងខាងឆ្វេង(ធ្ងន់)បញ្ជូនទៅពេទ្យបាត់ដំបង។
ទី៣.ឈ្មោះ វ៉ាន់ ប៊ុន ភេទប្រុស អាយុ៥៨ឆ្នាំ អ្នករួមដំណើររបួស(ធ្ងន់)។
ទី៤.ឈ្មោះ អេង ផង ប្រុស អាយុ៤២ឆ្នាំ អ្នករួមដំណើរ របួស(ធ្ងន់)។
ទី៥. ឈ្មោះ អេង ភី ភេទស្រី អាយុ៤០ឆ្នាំ អ្នករួមដំណើរ របួសបែកក្បាលនិងជើងខាងស្ដាំហើម(ធ្ងន់)បញ្ជូនទៅពេទ្យខេត្តបាត់ដំបង។
ទី៦.ឈ្មោះ ហឿយ ស្រីម៉ៅ ភេទស្រី អាយុ៣២ឆ្នាំ អ្នករួមដំណើរ របួសបែកក្បាល និងមុខ,ដៃ(ធ្ងន់)បញ្ជូនពេទ្យបាត់ដំបង។
ទី៧. ឈ្មោះ នឿន ស្រីណាត ភេទស្រី អាយុ១៤ ឆ្នាំអ្នករួមដំណើរ របួសបែកក្បាល(ធ្ងន់)ដេរអស់១០ថ្នេរ បញ្ជូនទៅពេទ្យខេត្តបាត់ដំបង។
ទី៨. ឈ្មោះ សុ ផល ភេទប្រុស អាយុ ២២ឆ្នាំ អ្នករួមដំណើរ របួស( ស្រាល)។
ទី៩.ឈ្មោះ ធុក បាន ភេទប្រុស អាយុ២៧ ឆ្នាំ អ្នករួមដំណើរ របួស( ស្រាល)។
ទី១០. ឈ្មោះ យ៉ូវ លីន ភេទស្រី អាយុ២៤ឆ្នាំ អ្នករួមដំណើរ របួស( ស្រាល)។
ទី១១. ឈ្មោះ វ៉ាន បូន ភេទស្រី អាយុ២៩ឆ្នាំ អ្នករួមដំណើរ របួស( ស្រាល)។
ទី១២.ឈ្មោះ មឿន រក្សា ភេទស្រី អាយុ០៣ឆ្នាំ អ្នករួមដំណើរ របួស( ស្រាល)។
ទី១៣.ឈ្មោះ មឿន រចនា ភេទស្រី អាយុ០៣ឆ្នាំ អ្នករួមដំណើរ របួស( ស្រាល)។
ទី១៤. ឈ្មោះ អេង សុភា ភេទស្រី អាយុ២៨ឆ្នាំ អ្នករួមដំណើរ របួស( ស្រាល)។
ទី១៥. ឈ្មោះ វ៉ាន លីហ្សា ភេទស្រី អាយុ០៦ខែ អ្នករួមដំណើរ របួស( ស្រាល)។
ទី១៦. ឈ្មោះ សូន វ៉ាន់ស៊ីង ភេទប្រុស អាយុ១១ឆ្នាំ អ្នករួមដំណើរ របួស( ស្រាល)។
នគរបាលស្រុកបានបន្តទៀតថា បងប្អូនជនរងគ្រោះខាងលើទាំង ១៦នាក់មានទីលំនៅបច្ចុប្បន្នរស់នៅភូមិចុងព្រែកក្ដុល សង្កាត់ដូនទាវ ខណ្ឌបាត់ដំបង ខេត្តបាត់ដំបង ។ ពាក់ព័ន្ធករណីខាងលើនេះបើតាមការរៀបរាប់របស់ជនរងគ្រោះបានឲ្យដឹងថា ពួកគាត់ជាបងប្អូនបានទៅចូលរួមកម្មវិធីបង្កក់ក្មួយនៅភូមិផ្សារឡែម ឃុំបឹងរាំង ស្រុកកំរៀង ខេត្តបាត់ដំបង។ ហើយក៏បានធ្វើដំណើរចេញមកវិញតាមផ្លូវភូមិកំពង់ចម្លងក្រោមឆ្ពោះទៅទីរួមខេត្តបាត់ដំបង។មូលហេតុនេះមកពីស្ថានភាពផ្លូវកោងខ្លាំង និងអ្នកបើកបរខ្វះភាពប្រុងប្រយ័ត្នដល់ផ្លូវកោងរេចង្កូតបួងមិនមកក៏ក្រឡាប់តែម្ដង។បច្ចុប្បន្ន: ជនរងគ្រោះដែលរបួសធ្ងន់ទាំងអស់ត្រូវបានបញ្ជូនទៅសង្គ្រោះនៅមន្ទីរពេទ្យបង្អែកខេត្តប៉ៃលិន។បន្ទាប់ពីលោកគ្រូពេទ្យជំនាញបានលាមុខរបួសនិងដេរមុខរបួស,អ្នករងរបួសធ្ងន់ចំនួន៥នាក់ត្រូវបញ្ជូនទៅព្យាបាលនៅពេទ្យខេត្តបាត់ដំបង។ ចំណែករថយន្តរបស់ជនរងគ្រោះត្រូវបានសមត្តកិច្ចប្រគល់ឱ្យ ម្ចាស់វិញ ដើម្បីយកទៅជួសជុលនៅខេត្តបាត់ដំបង៕ ដោយ ៖ លោក ក្រូច ណាវី
