ព័ត៌មានជាតិ

ឯកឧត្ដម ហ៊ុន ម៉ានី អញ្ជើញសំណេះសំណាល​ជាមួយថ្នាក់ដឹកនាំ សមាជិក សមាជិកា សហភាព​សហព័ន្ធ​យុវជនកម្ពុជាប្រចាំសា​កលវិទ្យាល័យ ជា ស៊ីម កំចាយមារ ក្នុងស្រុក​កំចាយមារ

(ព្រៃវែង)៖នាថ្ងៃទី២៣ ខែសីហា ឆ្នាំ២០២២ ឯកឧត្ដម ហ៊ុន ម៉ានី ប្រធានស​ហភាពសហព័ន្ធ​យុវជន​កម្ពុជា និងជា​ប្រធានគណៈ​កម្មការអប់រំ យុវជន កីឡា ធម្មការ កិច្ចការសាសនា វប្បធម៌ និងទេស​ចរណ៍រដ្ឋសភា និងឯកឧត្តម ស សុខា អនុប្រធា​នសហ​ភា​ពសហ​ព័ន្ធយុវជនកម្ពុជា (..យ​.) និងជា​ប្រធានក្រុមប្រឹក្សា​យុវជនគ្រឹះ​ស្ថាន​ឧត្តមសិក្សា (..) នៃសហ​ភាពស​ព័ន្ធយុវ​ជនកម្ពុជា រួមនិងគណប្រតិភូ ជួប​សំ​ណេះសំណាល​ជាមួយថ្នាក់ដឹកនាំ សមាជិក សមាជិកា សហ​ភាពសហព័​ន្ធយុវជនកម្ពុជា​ប្រចាំសាកល​វិទ្យាល័យ ជា ស៊ីម កំចាយមារ ក្នុងស្រុក​កំចាយ​មារ ខេត្តព្រៃវែង​សរុបប្រមាណ៨​០០នាក់។

ឆ្លៀតក្នុងឱកាសនេះ ឯកឧត្តម ហ៊ុន ម៉ានី បានសម្តែងនូវការកោតស​រសើរអំពីការខិតខំប្រឹង​ប្រែងរ​បស់ក្រុម​ប្រឹក្សាយុវជនគ្រឹះស្ថានឧត្តមសិក្សា ដឹកនាំដោយឯកឧត្តម ស សុខា និងគណៈ​ចលនា​យុវជនស្ម័គ្រចិត្ត និងក្រុមការងារយុវជនសហ​ភាពសហព័ន្ធយុវជនកម្ពុជា​ខេត្តព្រៃវែង​ទាំងអស់ ដែលបានខិតខំបំពេញភារកិច្ចរបស់ខ្លួនពោរពេញដោយឆន្ទៈ ទឹកចិត្តហ៊ានលះបង់​ពេលវេលា និងកម្លាំងកាយ ដើម្បីសុខដុមរមនា និងឧត្តមភាពជានិរន្តរ៍នៃសង្គមកម្ពុជា។

ក្នុងជំនួប​នេះ ឯកឧត្តម ហ៊ុន ម៉ានី បានបង្ហាញនូវ​សេចក្តីរីករាយ និងភាពជឿជាក់​ខ្ពស់ចំពោះប្អូនៗ​យុវជន ដែលបានសួរសំណួរជាច្រើន ហើយនេះបញ្ជាក់ថា ប្អូនៗ ជាធនធានម​នុស្សប្រកបដោយស​មត្ថភាព និងសក្តានុពលសម្រាប់ការអភិវឌ្ឍន៍ជាតិរបស់យើ​ងទៅថ្ងៃអនាគត ដើម្បីភាពជោគជ័យ ជាពិសេស កម្លាំងមហាសាមគ្គីក្នុងការរួមចំណែកកសាងប្រទេសកម្ពុជាមួយឯករាជ្យ សន្តិភាព សេរីភាព ប្រជាធិបតេយ្យ និងវឌ្ឍនភាពសង្គម៕

Related Articles

Leave a Reply

Your email address will not be published.

Back to top button
error: Content is protected !!