ល្បែងស៊ីសងជល់មាន់តាមអនឡាញ(ទូរទស្សន៍) កំពុងបើកឲ្យយ៉ាងគក្រើក នៅភូមិពញ្ញាលឺ ឃុំប្រាំបីមុំ ស្រុកទ្រាំង សង្ស័យជាប្រភពនៃជំណូលរបស់អាជ្ញាធមូលដ្ឋានហើយមើលទៅ បានជាមិនឃើញចុះបង្ក្រាប ទោះជារាយការណ៍ជូនជាច្រើនដងយ៉ាណាក្តី
ខេត្តតាកែវ៖យោងតាមច្បាប់ស្តីអំពីការបង្ក្រាបល្បែងស៊ីសងជំពូក១ មាត្រា១ ត្រូវហាមឃាត់ជាដាច់ខាតការលេងល្បែងស៊ីសងគ្រប់ប្រភេទ នៅគ្រប់ទីកន្លែងទូទាំងព្រះរាជាណាចក្រកម្ពុជា ,ជំពូក៣ មាត្រា៤ ជនណាលេងល្បែងស៊ីសង ជននោះត្រូវផ្តន្ទាទោសពិន័យជាប្រាក់ឬដាក់គុក។ក្នុងជំពូកដដែរ មាត្រា១១ ជនណាដែលចេញមុខការពារវង់ល្បែងស៊ីសងឬបនល្បែងស៊ីសងគ្រប់ប្រភេទនៅទីណាក៏ដោយត្រូវផ្តន្ទាទោសដាក់គុកពី១ឆ្នាំ ដល់៥ឆ្នាំទៀតផង ដោយឡែកសម្រាប់នៅក្នុងទឹកដីស្រុកទ្រាំង ស្ថិតនៅភូមិពញ្ញាលឺ ឃុំប្រាំបីមុំ ស្រុកទ្រាំង ខេត្តតាកែវ ល្បែងស៊ីសងប្រភេទជល់មាន់តាមអនឡាញ(ទូរទស្សន៍) កំពុងបើកឲ្យដំណើរការបានដោយរលូន មិនឃើញអាជ្ញាធរមូលដ្ឋានចុះធ្វើការណែនាំឬបង្ក្រាបទាល់តែសោះ ទោះបីប្រជាពលរដ្ឋ និងអ្នកសារព័ត៌មានរាយការណ៍ជូនជាច្រើនលើកច្រើនសារមកហើយក្តី។ទាំងនេះហើយជាហេតុធ្វើឲ្យប្រជាពលរដ្ឋដាក់ការសង្ស័យថា ប្រហែលជាល្បែងស៊ីសងទាំងនេះជាប្រភពនៃជំណូលរបស់ពួកគាត់ហើយមើលទៅ បានជារាយការជូនជាច្រើនដងបានត្រឹមតែថា ចាំដាក់កម្លាំងចុះទៅមើល និងទាល់តែមានគោលការណ៍ពីថ្នាក់លើ។
ពាក់ព័ន្ធបញ្ហាខាងលើនេះដែរលោកនាយប៉ុស្តិ៍នគរបាលឃុំប្រាំបីមុំ បានប្រាប់ភ្នាក់ងារយើងតាមទូរស័ព្ទនាថ្ងៃទី២៤ ខែកក្កដា ឆ្នាំ២០២២ ថា «ចាំលោកឲ្យកូនចៅចុះទៅមើល ក្រោយមកទៀតលោកឆ្លើយថា ទាល់តែមានគោលការណ៍ពីថ្នាក់លើ»។ដោយឡែកលោកអធិការ ស្រុកទ្រាំង «ឆ្លើយបានត្រឹមតែបាតៗ ចាំឲ្យកូនចៅចុះទៅមើល តែរហូតមកដល់ល្ងាចថ្ងៃទី២៥ ខែកក្កដា ទីតាំងខាងលើនៅតែបន្តបើកឲ្យលេងយ៉ាងរលូនដដែល។ដូច្នេះស្នើឲ្យស្នងការនគរបាលខេត្តតាកែវ លោកឧត្តមសេនីយ៍ទោ ឈាង ផាន់ណារ៉ា មានវិធានការនិងដាក់ការស៊ើបអង្គេតទៅលើលោកអធិការនគរបាល ស្រុកទ្រាំង និងមេប៉ុស្តិ៍នគរបាលប្រាំបីមុំ ផងទាន ដើម្បីឲ្យស្របទៅតាមច្បាប់ស្តីអំពីការបង្ក្រាបល្បែងស៊ីសង នៅក្នុងព្រះរាជាណាចក្រកម្ពុជា និងឲ្យស្របតាមគោលនយោបាយភូមិ/ឃុំមានសុវត្ថិភាពដែលប្រមុខថ្នាក់ដឹកនាំដាក់ចេញឲ្យអនុវត្ត។ព្រោះថាចោលួច ចោប្លន់ អំពើចោរកម្ម អំពើហឹង្សាក្នុងគ្រួសារ និងបទល្មើសជួញដូរ និងប្រើប្រាសគ្រឿងញៀន ពលរដ្ឋខ្លះលក់អស់ទ្រព្យសម្បត្តិ ដីធ្លី ព្រមទាំងជំពាក់បំណុលគេជុំទិស បង្កជាបញ្ហាអសន្តិសុខសង្គមជាដើម សិទ្ធសឹងផ្តើមចេញពីការចាញ់ល្បែងស៊ីសងនេះឯង ៕ដោយ ៖ លោក ផូង បញ្ញា
