(ប៉ៃលិន)៖ដោយមានការសម្របសម្រួលនីតិវិធីពីលោក សេង គីមឡាក់ ព្រះរាជអាជ្ញាសាលាដំបូងខេត្តប៉ៃលិន កម្លាំងនគរបាលប្រឆាំងបទល្មើសគ្រឿងញៀននៃស្នងការដ្ឋាននគបាលខេត្តប៉ៃលិន បានចុះប្រតិបត្តិការណ៍បង្ក្រាបករណីជួញដូរ និងប្រើប្រាស់ដោយខុសច្បាប់នូវសារធាតុញៀន នៅភូមិអូរច្រាកើត សង្កាត់ទួលល្វា ក្រុង/ខេត្តប៉ៃលិន កាលពីវេលាម៉ោង០៩និង០០នាទី ថ្ងៃទី៩ ខែមិថុនា ឆ្នាំ២០២២ ដោយឃាត់ខ្លួនបានជនសង្ស័យ ០១នាក់ ឈ្មោះ ហុង គីមហាក់ ភេទប្រុស អាយុ ២៣ឆ្នាំ មុខរបរកម្មករ រស់នៅភូមិអូរច្រាកើត សង្កាត់ទួលល្វា ក្រុង/ខេត្តប៉ៃលិន ។
ក្រោយពីឃាត់ខ្លួនជនសង្ស័យសមត្ថកិច្ចដកហូតបាននូវវត្ថុតាង រួមមាន : ម្សៅក្រាមពណ៌សថ្លា(ម៉ាទឹកកកICE) ០២កញ្ចប់តូច ទម្ងន់ថ្នាំសុទ្ធ ០.៦២ក្រាម, ដែនកេះ ០១, និងថង់វេចខ្ចប់មួយចំនួនទៀត ។បច្ចុប្បន្នជនសង្ស័យកំពុងឋិតនៅក្រោមការសាកសួននិងកសាងសុំណុំរឿងពីជំនាញ ដើម្បីអនុវត្តតាមនីតិវិធី ៕ដោយ ៖ លោក ក្រូច ណាវី
