ចេញផ្សាយនាថ្ងៃទី២៧ ខែមេសា ឆ្នាំ២០២៥
(បន្ទាយមានជ័យ) ដោយអនុវត្តតាមការណែនាំរបស់ឯកឧត្តមបណ្ឌិត សុខ ចាន់ភក្តី ប្រធានសមាគមសម្ព័ន្ធយុវជនដើម្បីសន្តិភាព និងលោកបណ្ឌិត ឌីម សុខុន អគ្គលេខាធិការ សមាគម នាព្រឹកថ្ងៃទី២៧ ខែមេសាឆ្នាំ២០២៥ លោក សយ ចាន់ធី អគ្គលេខាធិការរងទទួលផែនកិច្ចការជាតិនិងអន្តរជាតិនៃសមាគមសម្ព័ន្ធយុវជនដើម្បីសន្តិភាពនិងភរិយា ព្រមទាំងអាជីវករក្រុងប៉ោយប៉ែត សហការជាមួយសាខាខេត្តបន្ទាយមានជ័យ ក្រោមការដឹកនាំរបស់លោក ហង្ស រ៉ាត់ ដែលជាប្រធានសាខាខេត្ត បានចុះសួរសុខទុក្ខនិងនាំយកអំណោយជាគ្រឿងឧបភោគបរិភោគ ចែកជូនដល់ប្រជាពលរដ្ឋដែលមានជីវភាពខ្វះខាតនៅតាមបន្ទាត់ព្រំដែនកម្ពុជា–ថៃ ជួរភ្នំដងរែក ស្ថិតនៅក្នុងស្រុកថ្មពួក ខេត្តបន្ទាយមានជ័យ ។អំណោយដែលត្រូវចែកជូនក្នុងមួយគ្រួសារទទួលបាន អង្ក,មីកញ្ចប់ និងកំប៉ុង,ទឹកក្រូច,ទឹកផ្លែឈើ,ទឹកត្រី,ប្រេងឆា,ស្កស,អំបិល,ថ្នាំដុះធ្មេញ,ច្រាសដុះធ្មេញ ,សាប៊ូ និងថវិកាមួយចំនួន ៥ម៉ឺនរៀលផងដែរ ។
នាឱកាសនោះដែរលោក សយ ចាន់ធី បានមានប្រសាសន៍ផ្ដាំផ្ញើសាកសួរសុខទុក្ខពីសំណាក់ឯកឧត្តម សុខ ចាន់ភក្តី ប្រធានសមាគមសម្ព័ន្ធយុវជនដើម្បីសន្តិភាព និងលោកបណ្ឌិត ឌីម សុខុន អគ្គលេខាធិការ សមាគម ដែលតែងតែយកចិត្តទុកដាក់គិតគូរពីសុខទុក្ខរបស់បងប្អូនប្រជាពលរដ្ឋ មិនប្រកាន់ពូជសាសន៍សម្បុរនិងនិន្នាការនយោបាយនោះឡើយ៕
