ស្នើអធិការនគរបាលស្រុកត្រាំកក់ ដុះក្អែលលោកវរសេនីយ៍ត្រី ង៉ែត មាន នាប៉ុស្តិ៍ពពេល ផងទាន!ខណៈល្បែងស៊ីសងប្រភេទមាន់ជល់តាមអនឡាញ កំពុងកើតមានឡើងយ៉ាងពេញបន្ទុក នៅភូមិក្លោកពង ឃុំពពេល រាយការជូនធ្វើប្រងើយ
ខេត្តតាកែវ៖ល្បែងស៊ីសងប្រភេទមាន់ជល់តាមអនឡាញ កំពុងបើកឲ្យលេងយ៉ាងគគ្រឹកគគ្រេង
នៅរោងការហ្វេរមួយកន្លែង ស្ថិតនៅភូមិក្លោកពង ឃុំពពេល ស្រុកត្រាំកក់ ខេត្តតាកែវ អាជ្ញាធរ មូលដ្ឋានហាក់បីដូចជារក្សាភាពស្ងប់ស្ងាត់ ។ទីតាំងខាងលើនេះត្រូវបានគេមើលឃើញថា បើកឲ្យមនុស្សគ្រប់វ័យចូលលេងលេងយ៉ាងគគ្រឹកគគ្រេង ហូរកញ្ជៀវធ្វើឲ្យរំខានដល់អ្នកជិតខាងដោយគ្មានខ្លាចញញើតនឹងសមត្ថកិច្ចឡើយ ។
ពាក់ព័ន្ធករណីខាងលើនេះដែរនាថ្ងៃទី១៨ ខែមករា ឆ្នាំ២០២៤ ភ្នាក់ងារយើងបានខលទូរសព្ទរាយការណ៍ជូលលោក វរសេនីយ៍ត្រី ង៉ែត មាន នាប៉ុស្តិ៍ពពេល លោកនិយាយខ្សឹបៗស្ដាប់គ្នាមិនបាន ពេលខលទៅម្ដងទៀតលេងលើកទូរស័ព្ទតែម្តង ។ដូច្នេះស្នើលោកអធិការនគរបាលស្រុកត្រាំកក់ ខេត្តតាកែវ ធ្វើការដុះក្អែលលោក វរសេនីយ៍ត្រី ង៉ែត មាន នាប៉ុស្តិ៍ពពេលផងទាន ព្រោះថាល្បែងស៊ីសងប្រភេទមាន់ជល់តាមអនឡាញ កើតមានឡើងយ៉ាងគគ្រឹកគគ្រេងនៅក្នុងមូលដ្ឋាន មិនមានចំណាត់ការទាល់តែសោះ ទោះបីជាអ្នកសារព័ត៌មាន រាយការណ៍ជូនយ៉ាងណាក្តី។
ល្បែងស៊ីសងតាមអនឡាញនេះ ត្រូវបានគេមើលឃើញថា ជះឥទ្ធិពលអាក្រក់ដល់សង្គមយ៉ាងធ្ងន់ធ្ងរ ដោយពិនិត្យមើលឃើញពីផលប៉ះពាល់បែបនេះ ទើបប្រមុខរាជរដ្ឋាភិបាលកម្ពុជា បានដាក់ចេញនូវបទបញ្ជាយ៉ាងដាច់ណាត់ឲ្យមន្ត្រីថ្នាក់ក្រោមជាតិ អនុវត្តឱ្យខានតែបានដោយមិនយោគយល់ ចំពោះល្បែងស៊ីសងគ្រប់ប្រភេទ ពិសេសផ្ដោតទៅលើល្បែងស៊ីសងតាមអនឡាញនេះតែម្ដង ដែលធ្វើឲ្យប៉ះពាល់ដល់សង្គម និងប្រជាពលរដ្ឋ ព្រោះថា តំបន់ដែលមានល្បែងស៊ីសងតែងតែកើតមានឡើង នូវអំពើ និងបទល្មើសផ្សេងៗដូចជា ចោរលួច ចោរប្លន់ អំពើហិង្សាក្នុងគ្រួសារ ។ដោយសារឥទ្ធិពល នៃការញៀនល្បែង ធ្វើឲ្យប្រជាពលរដ្ឋមួយចំនួនលក់អស់ទ្រព្យសម្បត្តិ ដីធ្លី ព្រមទាំងជំពាក់បំណុលគេជុំទិស បង្កជាអសន្តិសុខក្នុងសង្គមជាដើម ។ដូច្នេះ ដើម្បីឲ្យប្រជាពលរដ្ឋរស់នៅ ដោយសុខសាន្ត មិនមានការភ័យខ្លាច សូមស្នើឱ្យអធិការនគរបាល ស្រុងត្រាំកក់ មានវិធានការទប់ស្កាត់ផងទាន ដើម្បីឲ្យស្របទៅតាមគោលនយោបាយភូមិ ឃុំ/សង្កាត់ មានសុវត្ថិភាព ដែលប្រមុខរាជរដ្ឋាភិបាល បានដាក់ចេញឲ្យអនុវត្តនាពេលកន្លងមកនេះ ៕ ដោយ៖ លោក ផូង បញ្ញា
