រដ្ឋបាលខេត្ត អភិបាលរង អាជ្ញាធរ និងមន្ទីរនានានៅជុំវិញខេត្តប៉ៃលិន ចេញលិខិតបដិសេធ ចំពោះការបង្ហោះហ្វេសប៊ុករបស់អនាមិកមួយ ដែលមួលបង្កាច់ ញុះញង់ បំបែកបំបាក់សាមគ្គីផ្ទៃក្នុងថ្នាក់ដឹកនាំខេត្តប៉ៃលិន
(ប៉ៃលិន)៖ក្រោយពីមានការបង្ហោះនៅលើបណ្តាញសង្គមហ្វេសប៊ុករបស់ជនអនាមិក ដែលសសេលក្ខណៈបែបមួលបង្កាច់ ញុះញង់ បំបែកបំបាក់សាមគ្គីផ្ទៃក្នុងថ្នាក់ដឹកនាំខេត្តប៉ៃលិននោះ នាថ្ងៃទី១២ ខែមករា ឆ្នាំ២០២៤ រដ្ឋបាលខេត្តប៉ៃលិន រួមទាំងអភិបាល អភិបាលរងខេត្ត, អភិបាល អភិបាលរងក្រុង–ស្រុក សង្កាត់ រួមទាំងមន្ទីរនានាចំណុះក្នុងខេត្ត បានចេញលិខិតបដិសេធ ទាំងស្រុងរាល់ការផ្សព្វផ្សាយនូវឯកសារក្លែងក្លាយនៅលើបណ្តាញសង្គមហ្វេសប៊ុកដែលមានខ្លឹមសារ បែបមូលបង្កាច់ក្នុងចេតនាញុះញង់ បំបែកបំបាក់សាមគ្គីផ្ទៃក្នុង បំភ្លៃខុសពីការពិត ធ្វើឱ្យមានការប៉ះពាល់យ៉ាងធ្ងន់ធ្ងរដល់កិត្តិយស សេចក្តីថ្លៃថ្នូរ របស់ថ្នាក់ដឹកនាំនៃរដ្ឋបាលខេត្ត និងមន្ទីរ អង្គភាពជុំវិញខេត្ត។ដូច្នេះសូមស្នើឲ្យអាជ្ញាធរមានសមត្ថកិច្ចជំនាញគ្រប់លំដាប់ថ្នាក់ បើកការស៊ើបអង្គេត ដើម្បីចាត់វិធានការតាមច្បាប់៕ព័ត៌មានលំអិតសូមអាននូវខ្លឹមសារលិខិតបដិសេដរបស់ថ្នាក់ដឹកនាំខេត្ត ដែលមានខ្លឹមសារដូចខាងក្រោម៖
