ម្ចាស់បុរីសិរីសួស្ដី៣៣៣ ក្រុងសៀមរាប ច្រានចោលរាលការបង្ហោះនៅលើបណ្តាញសង្គមមួយចំនួន ដែលបានចោទប្រកាន់ខុសពីការពិត ជាហេតុធ្វើឲ្យប៉ះពាល់ដល់កិត្តិយស និងផលប្រយោជន៍ក្រុមហ៊ុនយ៉ាងធ្ងន់ធ្ងរ
សៀមរាប៖ក្រោយពីមានការផ្ទុះសារាយគ្នាបង្កជាហឹង្សានៅក្នុងក្រុមហ៊ុនដែលមានឈ្មោះថា« បុរីសិរីសួស្ដី៣៣៣»នៅក្នុងក្រុងសៀមរាប និងមានការឡាយផ្ទាល់ដោយធ្វើការអត្ថាធិប្បាយចោទប្រកាន់ទៅលើម្ចាស់«បុរីសិរីសួស្ដី៣៣៣»ថា បានប្រើអង្គរក្សបុរីប្រើហឹង្សាទៅលើអតិថិជននោះ លោក សាន រដ្ឋស៊ីង ដែលជាអគ្គនាយកក្រុមហ៊ុន «បុរីសិរីសួស្ដី៣៣៣»បានធ្វើការបដិសេធទាំងស្រុង ដោយលោកអគ្គនាយក្រុមហ៊ុនបានធ្វើការបំភ្លឺ ដែលមានខ្លឹមសារថា ករណីដែលបានកើតឡើងកាលពីថ្ងៃទី០៥ ខែធ្នូ ឆ្នាំ២០២៣ កន្លងទៅនេះ បានធ្វើឲ្យប៉ះពាល់ដល់កិត្តិយស និងផលប្រយោជន៍ របស់លោក ដែលជាអគ្គនាយកក្រុមហ៊ុន និងអតិថិជនរបស់«បុរី៣៣៣» យ៉ាងធ្ងន់ធ្ងរដែលមិនអាចទទួលយកបាន តាមពិតដំណើរនៃរឿងកាលពីថ្ងៃទី០៥ ខែធ្នូ កន្លងទៅនេះភាគី ម្ចាស់បុរីនិងអតិថិជនបានព្រមព្រៀងគ្នា និងទទួលយកនូវលក្ខខណ្ឌសាងសង់ និងចេញប្លង់ ប័ណ្ណកម្មសិទ្ធិជូនអតិថិជន
ដោយលែកមានអតិថិជនមួយរូប ក្នុងចំណោមអតិថិជនទាំងអស់គាត់ហាក់មិនពេញចិត្ត ហើយបង្កភាពរញ៉េរញ៉ៃ រហូតឈានដល់ការប្រើអំពើហឹង្សាមកលើរូបលោក ជាម្ចាស់បុរី ខណៈដែលកំពុងអង្គុយនៅតុខាងមុខ ពេលនោះអតិថិជន និងបុគ្គលិករបស់លោក ក៏បានជួយឃាត់ដោយរុញគាត់ចេញចៀសវៀងការប្រើប្រាស់អំពើហឹង្សា។
ជាងនេះទៅទៀតមានអ្នកថតឡាយបង្ហោះនៅលើបណ្តាញសង្គមដោយអត្ថធិប្បាយដែលមានខ្លឹមសារថា «អង្គរក្សបុរីបានប្រើហឹង្សាទៅលើអតិថិជន»។ជាការឆ្លើយតបលោកអគ្គនាយកក្រុមហ៊ុន បានធ្វើការជម្រាបជូនថា «ខ្ញុំគ្មានអង្គរក្សអ្វីទេ គាត់គឺជាបុគ្គលិករបស់បុរី ហើយគាត់ចូលមកជួយឃាត់តែប៉ុណ្ណោះពុំបានប្រើអំពើហឹង្សាណាមួយទៅលើអតិថិជនដូចការចោទប្រកាន់ឡើយ ហេតុដូច្នេះសូមសាធារណៈជនកុំមានការយល់ច្រឡំ» ក្នុងនាមខ្ញុំបាទជាម្ចាស់បុរីខ្ញុំប្រឹងប្រែងណាស់ដើម្បីបម្រើអតិថិជន ហើយអតិថិជនក៏ពេញចិត្ត និងព្រមព្រៀងជាមួយខាងបុរីយើងខ្ញុំដោយសុខសាន្តរហូតមក ដែរ»។
ជាមួយគ្នានោអដែរលោកអគ្គនាយកក្រុមហ៊ុនក៏សូមសុំណូមពរដល់អតិថិជនរបស់«បុរីសិរីសួស្ដី៣៣៣» ទាំងអស់សូមមេត្តាយោគយល់ និងអព្យាស្រ័យដល់រូបលោក ចំពោះការយឺតយ៉ាវក្នុងការសាងសង់ដោយសារវិបត្តិសេដ្ឋកិច្ចជាសកល តែទោះបីក្នុងកាលៈទេសៈណាក៏ដោយ លោកនឹងប្រឹងប្រែងពន្លឿនការសាងសង់អោយរួចរាល់ជាស្ថាពរក្នុងពេលដ៏ខ្លីខាងមុខនេះ។
ជាចុងក្រោយក្នុងនាមវិស័យឯកជន បុរី៣៣៣ សូមថ្លែងអំណរគុណយ៉ាងជ្រាលជ្រៅចំពោះអតិថិជនទាំងចាស់
ទាំងថ្មី ដែលតែងតែគាំទ្រ បុរីសិរីសួស្ដី៣៣៣ លោកសង្ឃឹមយ៉ាងមុតមាំថា សាធារណជន ក៏ដូចជាអតិថិជនរបស់ បុរី៣៣៣ នៅតែបន្តគាំទ្រខាងបុរីនេះជារៀងរហូតតទៅ ៕ សូមអញ្ជើញទស្សនាវីដេអូរសកម្មភាពការផ្ទុះសារាយគ្នា ដែលមានដូចខាងក្រោម៖
