លោក តាន់ គឹមរិទ្ធ ច្រានចោរការចោទប្រកាន់របស់ប្រជាពលរដ្ឋ ពាក់ព័ន្ធករណីបិទផ្លូវ នៅបរិវេណ អាគាររបស់លោក ស្ថិតនៅក្នុងសង្កាត់អូរជ្រៅ ក្រុងប៉ោយប៉ែត
ខេត្តបន្ទាយមានជ័យ ៖ក្រោយពីប្រជាពលរដ្ឋ ធ្វើលិខិតស្នើសុំការអន្តរាគមន៍ពីរដ្ឋបាលក្រុងប៉ោយប៉ែត ដោ យបានធ្វើការចោទប្រកាន់ទៅលើលោក តាន់ គឹមរិទ្ធ សមាជិកក្រុមប្រឹក្សាក្រុងថាបានបិ ទផ្លូវបីច្រក ក្នុងចំណោមបួនច្រក នៅលើផ្លូវមួយខ្សែ នៅបរិវេណអាគាររបស់លោក ស្ថិតនៅក្នុងសង្កាត់អូរជ្រៅ ក្រុងប៉ោយប៉ែត ធ្វើឲ្យពួកគាត់ពិបាកក្នុងការធ្វើដំណើរឆ្លងកាត់នោះ នាថ្ងៃទី៩ ខែវិច្ឆិការ ឆ្នាំ២០២៣នេះ លោក វ៉ា ជឹមណារ៉េត ចៅសង្កាត់អូរជ្រៅ បានដឹកនាំក្រុមការងារ មានក្រុមប្រឹក្សាសង្កាត់ និងអាជ្ញាធរមូលដ្ឋាន បានចុះទៅដល់ទីតាំងខាងលើដោយផ្ទាល់ធ្វើការពិនិត្យជាក់ស្ដែង និងធ្វើការសាកសួរម្ចាស់អាគារខាងលើ សន្តិសុខ ប្រជាពលរដ្ឋរស់នៅក្បែរ និងលើកគ្នាតវ៉ាផងដែរ។
ក្នុងដំណើរអញ្ជើញចុះសាកសួរជាក់ស្ដែងលោកចៅសង្កាត់អូរជ្រៅ បានឲ្យដឹងថា ក្រោយពីពិនិត្យ និងសាកសួរជាលទ្ធផលឃើញថា ពុំមានការបិទផ្លូវដូចការចោទប្រកាន់នោះទេ ហើយការដាក់បារ៉ាស់កំណត់កម្ពស់ផ្លូវ ២ម៉ែត្រកន្លះនេះ ជាការព្រមព្រៀងគ្នា ដើម្បីការពារមិនឲ្យឡានធំចូលនាំឲ្យខូចខាតនូវសមិទ្ធផលដែលកើតមានឡើងហើយនោះ។ ចំណែកការបិទផ្លូវមួយរយៈ ខ្លីដែលពលរដ្ឋ ចោទប្រកាន់នោះ គឺជាការយល់ច្រឡំ ដោយសារខាងម្ចាស់អាគារចាក់បេតុងផ្លូវសូម្បីតែសត្វក៏មិនឱ្យឆ្លងកាត់ដែរ ដោយឲ្យសន្តិសុខអង្គុយយាមជាប្រចាំផងដែរ។
លោក តាន់ គឹមរិទ្ធ បានប្រាប់អង្គភាពយើងតាមបណ្តាញតេលេក្រាម ថា លោកមានតែជួយប្រជាពលរដ្ឋមានអ្វីត្រូវបិតផ្លូវមិនឲ្យគាត់ធ្វើដំណើរ ហើ យការបិតផ្លូវមួយរយះខ្លីនេះ គឺក្រុមការងារធ្វើការចាក់បេតុងផ្លូវមិនអនុញ្ញាតឲ្យមានការឆ្លងកាត់សូម្បីតែសត្វ ដោយដាក់កម្លាំងសន្តិសុខចាំមើលទៀតផង ហើយជុំវិញការផ្សព្វផ្សាយចោទប្រកាន់មកលើរូបលោក នៅលើបណ្តាញសង្កមមួយចំនួននោះ សូមធ្វើការបដិសេធទាំងស្រុង។
ជាមួយគ្នានោះដែរប្រជាពលរដ្ឋបានស្នើសុំឲ្យលោកចៅអូរជ្រៅ និងអភិបាលក្រុងប៉ោយប៉ែត ជួយសម្របសម្រួលជាមួយ លោក តាន់ គឹមរិទ្ធ
ទី១– ដកបារ៉ាស់ការពាររថយន្តធុនធំចូលដែលមានកម្ពស់ ២ម៉ែ ត្រកន្លះ ចេញ ។
ទី២–ស្នើសុំដកទ្វារបិទបើកផ្លូវច្រកចេញចូល ចេញ ។
ទន្ទឹមនោះ លោកចៅសង្កាត់ អូរជ្រៅ បានទទួលយកការស្នើសុំរបស់ប្រជាពលរដ្ឋតែសុំទុកពេល មួយរយៈសិនរងចាំលោក តាន់ គឹមរិទ្ធ អញ្ជើញមកពីទស្សនកិច្ចនៅក្រៅប្រទេសសិន ព្រោះថា ការសម្របសម្រួលនេះមិនអាចនិយាយគ្នាតាមទូរសព្ទបាននោះទេត្រូវប្រើពេលវេលា ។លោកចៅ សង្កាត់ បានបញ្ជាក់ថា រឿងអ្វីសុទ្ធតែមានដំណោះស្រាយ គួរតែនាំគ្នាទៅសាលាសង្កាត់ មិនចាំបាច់ឡើងទៅដល់លើនោះទេ ។ ក្នុង នោះប្រជាពលរដ្ឋបានសម្ដែងការសប្បាយចិត្ត ដោយទទួល យកការដោះស្រាយរបស់លោកចៅសង្កាត់ ៕
