(ប៉ៃលិន)៖លោកជំទាវ បាន ស្រីមុំ អភិបាលខេត្តប៉ៃលិន កាលពីព្រលប់ថ្ងៃទី៣ ខែសីហា ឆ្នាំ២០២២ បានដឹកនាំក្រុមការងារនិងមន្ត្រីក្រោមឱវ៉ាតចុះពិនិត្យតាមដងផ្លូវនានា ក្នុងខេត្ត ពិសេសទីប្រជុំជនដែលមានតូបដាក់តាំងលក់ដូរ ម្ហូបអាហារ ឬទំនិញផ្សេងៗ នៅដងផ្លូវពេលរាត្រី។
ជាមួយនិងការចុះពិនិត្យនេះដែរ លោកជំទាវអភិបាលខេត្តប៉ៃលិន បានថ្លែងរំលឹកដល់មន្រ្តីជំនាញការងារគ្រប់ផ្នែក ត្រូវយកចិត្តទុកដាក់ជាប្រចាំ រៀបចំឲ្យមានសោភ័ណភាពស្រស់ស្អាត និងមានរបៀបរៀបរយ ដែលជាការបង្កើតបាននូវបរិស្ថានល្អ ព្រមទាំងផាសុខភាព និងលំហូរចូលទេសចរណ៍ចង់មកកម្សាន្តនៅខេត្តយើង។
ជាមួយការរៀបចំសោភ័ណភាពនេះដែរប្រជាពលរដ្ឋ ដែលរស់នៅក្នុងខេត្ត និងភ្ញៀវទេសចរណ៍មកកម្សាន្តក្នុងខេត្តប៉ៃលិន មានការរីករាយស្រស់ស្រាយអារម្មណ៍ ដោយឃើញនៅតាមដងផ្លូវនានា ក្នុងក្រុងនិងស្រុកមានភាពស្រស់ស្អាតលំអដោយទង់ជាតិសួនផ្កា ពិសេសគឺភ្លើងបំភ្លឺមួយយប់ទល់ភ្លឺធ្វើឲ្យការធ្វើដំណើរមិនមានការភ័យខ្លាច កាត់បន្ថយគ្រោះថ្នាក់ជាយថាហេតុ និងមានសុវត្ថិភាពគ្រប់ពេល ដោយមានកងកម្លាំង របស់នគរបាលល្បាតគ្រប់ពេលផងដែរ៕
