លោកវរសេនីយ៍ត្រី សែម សាមឿន ដឹកនាំកម្លាំង ចុះល្បាតត្រួតពិនិត្យ នៅតាមខ្សែបន្ទាត់ព្រំដែនកម្ពុជា-ថៃ ដើម្បីរក្សាសន្តិសុខ សណ្ដាប់ធ្នាប់ សុវត្ថិភាព ជូនប្រជាពលរដ្ឋ ពិសេសទប់ស្កាត់រាល់បទល្មើសផ្សេងៗ
ខេត្តបន្ទាយមានជ័យ៖ដោយអនុវត្តតាមបទបញ្ជារបស់លោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ និងមានការណែនាំចង្អុលបង្ហាញពីលោកវរសេនីយ៍ឯក ហាំ វណ្ណ: មេបញ្ជាការ វរសេនាតូចនគរបាលការពារព្រំដែនគោកលេខ៨៩១ លោកវរសេនីយ៍ទោ ឈិន ឈាង មេបញ្ជាការរង វរសេនាតូចនគរបាលការពារព្រំដែនគោកលេខ៨៩១ ទទួលទិសប៉ុស្តិ៍ក្បាលស្ពាននោះនាព្រឹកថ្ងៃទី២៩ ខែកក្កដា ឆ្នាំ២០២៣ លោកវរសេនីយ៍ត្រី សែម សាមឿន នាយប៉ុស្តិ៍ នគរបាលការពារព្រំដែនគោកបុស្តិ៍ក្បាលស្ពាននៃវរសេនាតូចលេខ៨៩១ បានដឹកនាំកម្លាំងក្នុងប៉ុស្តិ៍ចំនួន ៨ នាក់ ប្រដាប់ដោយអាវុធ ចុះធ្វើការដើរល្បាត ដើម្បីត្រួតពិនិត្យ នៅតាមខ្សែបន្ទាត់ព្រំដែន កម្ពុជា–ថៃ នៅក្នុងភូមិសាស្រ្តប៉ុស្តិ៍ក្បាលស្ពាន ពីភូមិក្បាលកោះដល់ភូមិអូរជ្រៅ សង្កាត់អូជ្រៅ ក្រុងប៉ោយប៉ែត ខេត្តបន្ទាយមានជ័យ។ក្នុងនោះលោកវរសេនីយ៍ត្រី សែម សាមឿន ក៏បានបន្តដឹកនាំកម្លាំងចុះធ្វើការត្រួតពិនិត្យតាមបណ្តាគោលដៅឈរជើងរបស់កងកម្លាំងប៉ុស្តិ៍ក្បាលស្ពាន ដែលការពារសន្តិសុខ តាមខ្សែបន្ទាត់ព្រំដែន កម្ពុជា ថៃ ដើម្បីរក្សាសន្តិសុខ សណ្ដាប់ធ្នាប់ សុវត្ថិភាព ជូនប្រជាពលរដ្ឋ ពិសេសទប់ស្កាត់ការលួចឆ្លងដែនខុសច្បាប់ និងទប់ស្កាត់រាល់បទល្មើសគ្រប់ប្រភេទ ។ល។
ក្នុងប្រតិបត្តិការដឹកនាំកម្លាំងចុះត្បាតរបស់លោកវរសេនីយ៍ត្រី សែម សាមឿន នាយប៉ុស្តិ៍នគរបាលការពារព្រំដែនគោកក្បាលស្ពាន នៃវរៈសេនាតូចលេខ៨៩១ នៅក្នុងភូមិសាស្ត្រដែលលោកគ្រប់គ្រងនោះ ត្រូវបានបញ្ចប់នៅវេលាម៉ោង០៩នឹង៤០នាទីព្រឹកនាថ្ងៃខែដដែ ជាលទ្ធផលមិនមានអ្វីដែលខុសប្រក្រតីឡើយ ពោលគឺស្ថានការល្អប្រសើរ ហើយប្រជាពលរដ្ឋរស់នៅដោយភាពសុខសាន្ត៕
