សាខាកាកបាទក្រហមកម្ពុជាខេត្តកណ្ដាល ចុះសួរសុខទុក្ខ និងនាំយកអំណោយមនុស្សធម៌ ចែកជូនប្រជាពលរដ្ឋដែលរងគ្រោះ ដោយសារការបាក់ច្រាំងព្រែកថី ៧២គ្រួសារ នៅក្នុងក្រុងតាខ្មៅ
ខេត្តកណ្តាល ៖ ឯកឧត្ដម គង់ សោភ័ណ្ឌ អភិបាលខេត្តកណ្ដាល និងជាប្រធានគណៈកម្មាធិការសាខាកាកបាទក្រហមកម្ពុជាខេត្តកណ្ដាល នាព្រឹកថ្ងៃទី១៣ ខែមេសា ឆ្នាំ២០២៣ បានអញ្ជើញចុះសួរ សុខទុក្ខ និងនាំយកអំណោយមនុស្សធម៌ចែកជូនប្រជាពលរដ្ឋដែលរងគ្រោះដោយបាក់ច្រាំងស្ទឹង សរុបចំនួន៧២ គ្រួសារ មកពីសង្កាត់ព្រែកថី ក្រុងតាខ្មៅ ខេត្តកណ្តាល ។
នាឱកាសនោះឯកឧត្តម គង់ សោភ័ណ្ឌ បានមានប្រសាសន៍សម្តែងការសោកស្ដាយចំពោះការខូចខាតផ្ទះសំបែង និងទ្រព្យសម្បត្តិរបស់គ្រួសាររងគ្រោះ ដោយការបាក់ច្រាំងស្ទឹងក្នុងសង្កាត់ព្រែកថី ក្រុងតាខ្មៅ ដែលនេះជាគ្រោះមហន្តរាយបង្កដោយធម្មជាតិ គ្មាននរណាម្នាក់ចង់ជួបប្រទះឡើយ ជាពិសេស ឯកឧត្ដមក៏បាននាំមកនូវការផ្តាំផ្ញើសួរសុខទុក្ខពីសំណាក់សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ដែលតែងតែយកចិត្តទុកដាក់គិតគូរ ចំពោះសុខទុក្ខប្រជាពលរដ្ឋគ្រប់រូប ដោយមិនប្រកាន់វណ្ណៈ ពណ៌សម្បុរ ជំនឿសាសនា និន្នាការនយោបាយណាមួយឡើយ។
ឯកឧត្តមបន្តថា ថ្វីត្បិតតែអំណោយមនុស្សធម៌ ដែលបាននាំយកមកចែកជូនបងប្អូននាពេលនេះ មានចំនួនតិចតួចក្ដី មិនសមល្មមនឹងការខាតបង់របស់បងប្អូន តែក៏អាចជួយសម្រាលទុក្ខបាករបស់បងប្អូនបានមួយកម្រិត ហើយក៏ជាការបង្ហាញនូវការយកចិត្តទុកដាក់ ចំពោះប្រជាពលរដ្ឋគ្រប់រូបពីសំណាក់ថ្នាក់ដឹកនាំ ពិសេសគឺកាកបាទក្រហមកម្ពុជា ។ អំណោយរដែលចែកជូនប្រជាពលរដទាំង ៧២គ្រួសារ ដែលត្រូវចែកជូនក្នុង១គ្រួសារ ទទួលបាន អង្ករ ២៥គីឡូ, មី ១កេស, ទឹកត្រី ១យួរ, ត្រីខ ១០កំប៉ុង, ទឹកសុទ ១យួរ, ម៉ាស ១០បន្ទះ, និងថវិកាចំនួន ១០០ ០០០រៀលផងដែរ៕
