បន្ទាយមានជ័យ៖យោងការណែនាំ និងបទបញ្ជារបស់លោកឧត្តមសេនីយ៍ទោ សិទ្ធិ ឡោះ ស្នងការនៃស្នងការដ្ឋាននគរបាលខេត្តបន្ទាយមានជ័យ នៅថ្ងៃទី១២ ខែកក្កដា ឆ្នាំ២០២៥ កម្លាំងនគរបាលជំនាញ និងកម្លាំងតាមបណ្ដាអធិការដ្ឋាននគរបាលក្រុង–ស្រុកទាំង៩ បានសហការជាមួយអាជ្ញាធរ ចុះផ្សព្វផ្សាយវេទិកាសាធារណៈស្ដីពីគោលនយោបាយភូមិ ឃុំ–សង្កាត់ មានសុវត្ថិភាព , អប់រំច្បាប់ចរាចរណ៍, ផលប៉ះពាល់នៃគ្រឿងញៀន, ផលប៉ះពាល់នៃគ្រាប់មិនទាន់ផ្ទុះសល់ពីសម័យសង្គ្រាម ដល់ប្រជាពលរដ្ឋ តាមមូលដ្ឋាន និង សិស្សតាមសាលារៀន។
នៅថ្ងៃសៅរ៍នេះ កម្លាំងអធិការដ្ឋាននគរបាលក្រុងប៉ោយប៉ែត កម្លាំងនគរបាលប៉ុស្តិ៍ដ្ឋបាល បានចុះប្រតិបត្តិការ ធ្វើអត្តសញ្ញាណប័ណ្ណសញ្ជាតិខ្មែរជូនប្រជាពលរដ្ឋ និងព្រះសង្ឃតាមវត្តអារាម។ ក្នុងនោះកម្លាំងនគរបាល ក៏បាននាំយកអត្ដសញ្ញាណប័ណ្ណសញ្ជាតិខ្មែរ សៀវភៅគ្រួសារ សៀវភៅស្នាក់នៅ ទៅចែកជូនបងប្អូនប្រជាពលរដ្ឋតាមខ្នងផ្ទះផងដែរ។
ឈរលើស្មារតីទទួលខុសត្រូវ លោកឧត្តមសេនីយ៍ទោ សិទ្ធិ ឡោះ តែងតែដាក់ចេញបទបញ្ចាដល់កម្លាំងនគរបាលទាំងអស់ ពង្រឹងការយាមល្បាត, ការត្រួតពិនិត្យរកអាវុធគ្រឿងផ្ទុះពេលរាត្រី, ពង្រឹងការបង្ការ បង្ក្រាប បទល្មើសគ្រប់ប្រភេទ និងក្មេងទំនើង សំដៅធ្វើយ៉ាងណាធានាឲ្យបាននូវសន្តិសុខ សណ្តាប់ធ្នាប់ជូនប្រជាពលរដ្ឋទូទាំងខេត្តបន្ទាយមានជ័យ ប្រកបដោយសុវត្ថិភាព៕
