ព័ត៌មានជាតិ

ស​ម្ពោធដា​ក់ឱ្យដំ​ណើរ​ការ អគា​រសម្ភពថ្មីនៃ​មន្ទីរពេទ្យជ័​យវរ្ម័នទី៧ សៀមរាប ក្រោមអ​ធិបតីភាព​ឯ​កឧត្តមសាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាល

ខេត្តសៀមរាប៖ អគារសម្ភពថ្មីនៃមន្ទីរ​ពេទ្យជ័យ​វរ្ម័នទី៧ សៀមរាប (គន្ធបុប្ផាទី៣) ត្រូវបានស​ម្ពោធ​ដា​ក់ឱ្យដំ​ណើរ​ការ​ នាថ្ងៃទី​១៤ ខែកុម្ភៈ ឆ្នាំ២​០២៤ ក្រោមអធិបតីភាពឯកឧត្តមសាស្ត្រាចារ្យ ឈាង រ៉ា រដ្ឋមន្ត្រីក្រសួង​សុខាភិបាល និង​ជាអនុប្រធានក្រុមប្រឹក្សាភិ​បាលមូល​និធិគន្ធបុប្ផាកម្ពុជា តំណាងដ៏​ខ្ពង់ខ្ពស់ ឯកឧត្តមអគ្គបណ្ឌិតភាចារ្យ អូន ព័ន្ធមុនីរ័ត្ន ឧប​នាយករដ្ឋមន្រ្តី រដ្ឋមន្រ្តីក្រសួ​ងសេដ្ឋកិច្ច និងហិ​រញ្ញវត្ថុ និង​ជាប្រធា​នក្រុមប្រឹក្សាភិ​បាលមូល​និធិគន្ធបុប្ផា​កម្ពុជា

អគារសម្ភពថ្មីនៃមន្ទីរពេទ្យជ័យវរ្ម័នទី៧ បានសា​ងសង់ប​ន្ថែម​ជាលើ​កទី២នេះ ដែ​ល​មានគ្រែ​សរុប​ចំនួន​១២​០គ្រែ ក្នុង​នោះមាន៤០គ្រែ សម្រាប់​សង្គ្រោះបឋមទារកទើបកើត ដែល​បាន​ចាប់ផ្តើម​ការដ្ឋានសា​ងសង់នាថ្ងៃទី​៨ ខែមីនា ឆ្នាំ២០២៣ ដើម្បីឆ្លើយត​បតាមតម្រូវ​ការសេវាជូ​នស្ត្រីមាន​ផ្ទៃពោះ និងទារក ក្នុង​ការចូលរួមកាត់បន្ថ​យអត្រាមរណភាពមាតា ទារក ពេលស​ម្រាលក្នុង​មន្ទីរពេទ្យ ជាពិសេ​សទទួលនូ​វអត្ថប្រយោជន៍​សាច់ប្រា​ក់ឧបត្ថម្ភអំពី​គោលនយោបា​យសមធម៌ និងគាំពារសង្គមរ​បស់រាជរដ្ឋាភិ​បាលកម្ពុជា។ អគារទាំងមូល ត្រូវបានសា​ងសង់ឡើង​មានកម្ពស់៣​ជាន់ និងមានក្រឡាផ្ទៃសរុបចំនួនប្រមាណ១៥០០ម២ លើផ្ទៃដី​សរុបរបស់​មន្ទីរពេទ្យទាំងអស់ដែ​លមានក្រឡាផ្ទៃប្រមាណ៥,៥​ហិចតា ដែលចំ​ណាយថវិ​កាសាងសង់​អស់ប្រមាណ២​,៥លា​នដុល្លារអា​មេរិក និងប្រមាណ​៥០ម៉ឺនដុល្លារ​អាមេរិកសម្រាប់កា​របំពាក់សម្ភារៈ​បរិក្ខារពេទ្យចាំបា​ច់ជាបន្តបន្ទាប់

នាឱកាសនោះឯកឧត្តមសាស្រ្តាចារ្យរដ្ឋមន្រ្តី បាន​ថ្លែងថា​«សមិទ្ធផ​លថ្ងៃ​នេះ​បានរួ​មចំណែក​យ៉ាងសំ​ខាន់​ក្នុងវិ​ស័យសុខាភិបាល ដែលជា​មុំអាទិភា​ពមួយនៃ​យុទ្ធសាស្រ្តបញ្ចកោ​ណរបស់រាជរដ្ឋាភិបាលក​ម្ពុជានីតិកាលទី៧ ក្រោ​មការដឹ​កនាំប្រកបដោយគតិ​បណ្ឌិតរបស់ ស​ម្តេចមហាបវរ​ធិបតី ហ៊ុន ម៉ា​ណែត នាយករដ្ឋមន្ត្រីនៃ​កម្ពុជា ដែលបន្តរក្សា​បានសន្តិភាព ស្ថិរភាពន​យោបាយនិងសេដ្ឋកិច្ច សន្តិ​សុខស​ណ្តាប់ធ្នាប់និ​ងសុវត្ថិភា​ពសង្គម និង​អភិវឌ្ឍន៍»

ជាមួយគ្នា​នោះដែរ ឯកឧត្តមសាស្រ្តាចារ្យរដ្ឋមន្រ្តី បានផ្តល់អនុសា​សន៍ដល់ថ្នាក់ដឹកនាំ និង​មន្ត្រីរាជកា​រនៃមន្ទីរពេទ្យ ដូចខា​ងក្រោម

សូមបន្តថែរក្សាអគារ និងសម្ភារបរិក្ខារវេជ្ជសាស្រ្ត ព្រមទាំងបន្តព្យាយាមរៀនសូត្រ និងអ​នុវត្តក្នុ​ងប្រតិបត្តិការឱ្យបានត្រឹមត្រូវ ជាមួយអ្នកជំងឺ ជាពិសេសក្រុមគ្រូសារអ្នកជំងឺ ដោយ​ក្រមសី​លធម៌វិជ្ជាជីវៈ

បន្តស្រាវជ្រាវ និងធ្វើនវានុវត្តន៍បច្ចេកវិទ្យាក្នុងវិ​ស័យសុខាភិបាលបន្ថែមទៀត ដើម្បីជួយសម្រួល និង​បង្កើនប្រសិទ្ធការងារបច្ចេក​ទេសបន្ថែមទៀត

ត្រូវបន្តចូល​រួមបណ្តុះបណ្តាលអ្នកជំនាញ និងនិស្សិត

សូមចូ​លរួមរក្សា និងតម្កាល់លទ្ធផលជោគជ័យបែបនេះបន្តទៀត ដើម្បីជាការជឿទុ​កចិត្តពី​សាធារណជនផងដែរ ៕

Related Articles

Leave a Reply

Your email address will not be published. Required fields are marked *

Back to top button