រវាងមេប៉ុស្តិ៍ឃុំខ្វាវ និងក្រុមញៀនល្បែង តើអ្នកណាធំជាង បើលោកមេប៉ុស្តិ៍ហៅម្ចាស់ទីតាំងធ្វើកិច្ចសន្យាឲ្យបញ្ឈប់ រហូតទៅដល់ ៥ទៅ ៦ដងហើយ នូវតែបន្តបើកឲ្យលេងដោយរលូនដដែលនោះ
ខេត្តតាកែវ៖ល្បែងស៊ីសងប្រភេទជល់មាន់តាមប្រព័ន្ធលេបថប(កុំព្យូទ័រ) នៅចំណុចផ្ទះលក់កាហ្វេមួយកន្លែង ស្ថិតនៅក្នុងភូមិពង្រ ឃុំខ្វាវ ស្រុកទ្រាំង ខេត្តតាកែវ នូវតែបន្តបើកឲ្យក្រុមអ្នកញៀនល្បែងចូលលេងយ៉ាងគគ្រឹកគគ្រេង ដោយផ្គើនទៅនឹងបទបញ្ជារបស់ប្រមុខរាជរដ្ឋាភិបាលកម្ពុជាដដែល ក្រោយពីភ្នាក់ងារយើងបានរាយការណ៍ ត្រូវបានបិតមួយរយះខ្លីមកនោះ ។
ពាក់ព័ន្ធទៅនឹងការបើកឲ្យមានលេងល្បែងស៊ីសងនេះដែរ បើលោកនាយប៉ុស្តិ៍ឃុំខ្វាវ មិនបើកដៃឲ្យម្ចាស់ទីតាំងខាងលើបើកបនល្បែងស៊ីសងនោះទេ ម្លេះម្ចាស់ទីតាំង និងក្រុមក្រុមញៀនល្បែងស៊ីងទាំងនោះក៏មិនហាននោះដែរ។ជាក់ស្តែងនាថ្ងៃទី២២ ខែឧសភា ឆ្នាំ២០២៣នេះ ភ្នាក់ងារយើងបានចុះផ្តិតយករូបភាពទាំងស្រុង ដែលទីតាំងខាងលើបានបន្តបើកឲ្យក្រុមញៀនល្បែងចូលលេង ហូរកញ្ជ្រៀលដោយមិនខ្លាចញញើតនឹងសមត្ថកិច្ចឡើយ ជាហេតុធ្វើឲ្យរំខានដល់ការរស់នៅរបស់ប្រជាពលរដ្ឋដែលនៅក្បែរនោះផងដែរ មិនឃើញសមត្ថកិច្ចចុះបង្ក្រាបឡើយ ទោះបីជាភ្នាក់ងារយើងបានខលរាយការជូនលោកមេប៉ុស្តិ៍ឃុំខ្វាវ ជាច្រើនដងយ៉ាងណាក្តី លោកបានត្រឹមតែប្រាប់ថា ទីតាំងខាងលើបានធ្វើការណែនាំជាច្រើនលើកច្រើនសារ និងបានហៅម្ចាស់ទីតាំងមកធ្វើកិច្ចសន្យារហូតទៅដល់ ៥ ទៅ៦ដង ហើយដែរ ។ដូច្នេះស្នើឲ្យស្នងការនគរបាលខេត្តតាកែវ មានវិធានការផងទាន!! ដើម្បីឲ្យស្របតាមគោលនយោបាយ ភូមិ ឃុំ/សង្កាត់ មានសុវត្ថិភាព របស់ប្រមុខរាជរដ្ឋភិបាលកម្ពុជា ដែលបានដាក់ចេញ ឲ្យមន្តីថ្នាក់ក្រោមជាតិយកទៅអនុវត្ត បើពឹងទៅលើមន្ត្រីថ្នាក់ក្រោម ប្រហែលមិនអាចទៅរួចនោះទេ ពីព្រោះល្បែងស៊ីសងកើតមានឡើងនៅក្នុងមូលដ្ឋាន ទោះជាមានការរាយការណ៍ជាច្រើនដងយ៉ាងណាក៏គ្មានចំណាត់ដែរ៕
