ព័ត៌មានជាតិ

នគរបាលឃាត់ខ្លួនជ​នជាតិថៃ ប្រុសស្រី២​នាក់ ពាក់ព័ន្ធ​ករណីជួ​ញដូរថ្នាំ​ញៀន ​នៅ​ជាយដែន​កម្ពុជា-ថៃ​ក្នុងក្រុង​ប៉ោយប៉ែត

ខេត្តបន្ទាយមានជ័យ៖ដោយអនុវត្តន៍​តាមបទបញ្ជា​រប​ស់លោកឧត្ដមសេ​នី​យ៍ទោ ​សិទ្ធិ ឡោះ ស្នងកា​រន​គរបា​លខេត្ដបន្ទាយ​មានជ័យ លោ​កវរ​សេ​នីយ៍ឯ​ក សៅ ​សារឿន ​អធិការនគ​របាល​ក្រុងប៉ោ​យ​ប៉ែត បាន​ដឹកនាំ​កម្លាំង​នគរបា​លផ្នែក​ប្រឆាំង​គ្រឿងញៀន​បានឆ្មក់​ចុះបង្ក្រាប​ករណីជួញ​ដូរថ្នាំ​ញៀន នៅចំ​ណុ​ចផ្ទះជួ​លមួយ​កន្លែង ម្ដុំភោជនី​យដ្ឋាន ប៊ូ សោភ័​ណ ​ស្ថិតក្នុង​ភូមិក្បាលស្ពាន១ សង្កា​ត់អូរជ្រៅ ក្រុងប៉ោយ​ប៉ែត ខេត្តបន្ទាយ​មានជ័យ កាលវេលា​ម៉ោង១៧:០​០នាទី ​ថ្ងៃទី​០១ ខែកញ្ញា ឆ្នាំ២០​២៣ ដោយឃា​ត់ខ្លួនជ​នសង្ស័យ​ដែ​លជាជន​ជាតិថៃ ប្រុស ​ស្រី ​២នាក់ យ​ក​មកសួរនាំ។​

ក្នុងប្រតិបត្តិការបង្ក្រាបនេះ​ មានការសម្រប​សម្រួល​ដោយផ្ទាល់ពី​លោក លឹម ប៊ុន សុភក្រ័ ព្រះរាជ

អាជ្ញារ​ងសាលាដំបូងខេត្តបន្ទា​យមានជ័យ សមត្ថកិច្ចយើង​បា​នឃាត់ខ្លួន​ជន​សង្ស័យ​ចំនួន០២នាក់ ១ឈ្មោះ SUCHAT RAMAN ភេទប្រុស អាយុ ៤២ ឆ្នាំ ជនជាតិថៃ មុខរបរ កម្មករ កាន់លិ​ខិតឆ្ល​ងដែនលេខ AC ៣៨១១៨៨៦។

ឈ្មោះ MACA RAMAN ភេទ ស្រី អាយុ ៣៨ឆ្នាំ ជនជាតិថៃ មុខរបរ កម្មករ កាន់លិ​ខិតឆ្លង​ដែន​លេខ AC ៤២៣៤៦៦៨។នៅក្នុងរង្វង់នៃប្រតិបត្តិការណ៍នេះកម្លាំងនគរបាលបានធ្វើការឆែកឆេរ និង​ត្រួតពិនិ​ត្យផ្ទះ​ជ​នសង្យ័យ ដកហូតបានវត្ថុតាង ម្សៅក្រាមពណ៌សថ្លា សង្ស័យជាសារធាតុញៀន ចំនួន​៣ ថង់ធំ នៅក្នុងកា​បូបស្ពា​យពីក្រោយពណ៌​ខ្មៅ ក្នុងបន្ទប់​ជាន់លើផ្នែកខាងក្រោយ ក្នុងផ្ទះ​ជនស​ង្ស័យ។

បច្ចុប្បន្នក្រោយពី​សួរនាំ ​នៅថ្ងៃទី០២ ខែកញ្ញា ឆ្នាំ២០២៣ ជន​សង្ស័យជ​នជាតិថៃ ប្រុសស្រីទាំ​ងពីរនាក់ ត្រូវបា​នបញ្ជូន​ទៅការិយា​ល័យនគរ​បាលប្រឆាំងគ្រឿង​ញៀននៃស្នង​ការដ្ឋាននគរបា​លខេត្តបន្ទាយ​មានជ័យ ដើម្បីបន្តនីតីវិ​ធីកសា​ងសំណុំរឿង​បញ្ជូនទៅតុលាកា​រចាត់​ការតាមច្បាប់​៕

Related Articles

Leave a Reply

Your email address will not be published. Required fields are marked *

Back to top button