ព័ត៌មានជាតិ

កុមារប្រុស ស្រី២នាក់បងប្អូ​នលង់ទឹកស្លាប់ ខណៈ​ពេ​លទៅបេះ​ឈូក​ក្នុង​បឹងក្រោយ​ផ្ទះ នៅ​ក្នុងស្រុកប​រិបូណ៌

(ខេត្តកំពង់ឆ្នាំង)៖ក្មេងប្រុសស្រី២នាក់បងប្អូនបង្កើត បាន​លង់ទឹកស្លាប់ បង្កការភ្ញាក់​ផ្អើល​នាវេលា​ម៉ោង៧ព្រឹក ថ្ងៃទី២៨ ខែឧសភា ឆ្នាំ​២០២២ ខណៈពេលទៅ​បេះឈូកជាមួយឪពុក និងម្ដាយមីង​ក្នុង​បឹងក្រោយ​ផ្ទះ ស្ថិត​នៅភូមិ​ត្រពាំង​ពោធិ៍ ឃុំឃុ​នរង ស្រុកប​រិបូណ៌ ខេត្តកំពង់ឆ្នាំង។

 

តាមការបញ្ជាក់ពី​លោក ប៉ែន សុផារី អធិការរងនគរ​បាលស្រុកបរិបូណ៌ទ​ទួលបន្ទុកព្រហ្មទណ្ឌ បាន​បញ្ជាក់​ថា កុមាររងគ្រោះ​ដោយសារល​ង់ទឹកខាងលើ​មានកុមារី យ៉ុង វន្នី អាយុ ១២ឆ្នាំ និងកុមារា យ៉ុ​ង បញ្ញា ​អាយុ ៧​ឆ្នាំ ឪពុកឈ្មោះ សុខ ធី និងម្ដាយ​ឈ្មោះ សុខ នី មានទីលំនៅភូមិ​ត្រពាំងពោធិ៍ ឃុំខុនរ៉ង ស្រុកបរិបូ​ណ៌ ។

 

ប្រភពដដែលបន្តថា មុនពេលកើតហេតុ កុមាររងគ្រោះខាងលើ​បាន​ទៅបេះ​ឈូកជា​មួយឪពុក និង​ម្ដាយមីង ប៉ុន្តែ​ពេលបេះឈូក បានដើរបែ​កគ្នានៅក្នុងបឹ​ងមួយកន្លែង​នៅចម្ងាយប្រមាណ ១០០ ម៉ែត្រ​ពី​ខា​ងក្រោយផ្ទះ របស់ពួក​គាត់ ខណៈពេលដែលកំពុង​បេះឪពុក និង ម្តាយមីង​បានបា​ត់មិន​ឃើញ​ក្មួយៗ ក៏ដើរត្រឡប់​មកវិញហើយ​មា​នការសង្ស័យ​ក៏ចុះរាវក្នុងបឹង ក៏ស្រាប់តែឃើញ​ក្មួយៗល​ង់ទឹ​កស្លាប់​អោបគ្នាទាំង​២នាក់បាត់ទៅ​ហើយ ។

 

ដោយមានការសង្ស័យ​ក្រុមគ្រួសារ​បានដឹ​កយកក្មេង​រងគ្រោះ​ទាំង២នាក់​ទៅមណ្ឌលសុខភា​ពស្រុក​បរិបូរ ដើម្បីជួយសង្គ្រោះ ក្រោយ​មកក្រុម​គ្រូពេទ្យ​បញ្ជាក់​ថា ពួកគេ​បា​នស្លាប់បា​ត់ទៅហើយ និង​បា​នប្រគល់​ឲ្យ​សមត្ថ​កិច្ចធ្វើកោស​ល្យវិច័យ ព្រមទាំង​ប្រគល់​ទៅក្រុមគ្រួសា​រយកទៅ​ធ្វើបុណ្យតាមប្រពៃ​ណី៕

Related Articles

Leave a Reply

Your email address will not be published. Required fields are marked *

Back to top button
error: Content is protected !!