ព័ត៌មានជាតិ
លោកតាវ័យ៧៨ឆ្នាំ សតិមិននិងនរ ធ្វើអត្តឃាតចង.ក សម្លាប់ខ្លួនឯង បង្កការភ្ញាក់ផ្អើល នៅស្រុកសាលាក្រៅ
ខេត្តប៉ៃលិន៖ដោយសារតែសតិមិននិងនរ ធ្វើឲ្យលោកតាវ័យ៧៨ឆ្នាំម្នាក់ ធ្វើអត្តឃាតចង.ក សម្លាប់ខ្លួនឯង បង្កការភ្ញាក់ផ្អើលកាលពីវេលាម៉ោង០១និង៤០នាទី ថ្ងៃទី០៦ ខែវិច្ឆិកា ឆ្នាំ២០២២ នៅចំណុចភូមិដីស ឃុំស្ទឹងត្រង់ ស្រុកសាលាក្រៅ ខេត្តប៉ៃលិន ។
សមត្ថកិច្ចនគរបាលមូលដ្ឋានប៉ុស្ថិ៍ឃុំស្ទឹងត្រង់បានឲ្យដឹងថា សពមានឈ្មោះ គួង ម៉ៅ ភេទប្រុស អាយុ៧៨ឆ្នាំ រស់នៅចំណុចកើតហេតុខាងលើ។
បើតាមសមត្តកិច្ចមូលដ្ឋានបញ្ជាក់ថា តាមការសាកសួរ ការបំភ្លឺពីសាច់ញាតិរបស់ជនរងគ្រោះបានឲ្យដឹងថា មុនពេលកើតហេតុ ជនរងគ្រោះតែងតែផឹកស្រាថ្នាំជាប្រចាំ ហើយមានសតិមិននឹងនរ ហើយបានយកកាំបិតមកអារក ខ្លួនឯង តែមិនបានសម្រេច ដោយសារកូនចៅបានឃើញនឹងជួយទាន់ ក្រោយមកទៀត ជនរងគ្រោះបានរត់ទៅដេកក្នុងព្រៃបាត់ក៏មានដែរ។បច្ចុប្បន្ន សពខាងលើកំពុងរងចាំខាងកម្លាំងជំនាញធ្វើកោសល្យវិច័យ ៕ ដោយ ៖ លោក ក្រូច ណាវី
