សង្ស័យតូចចិត្តនឹងជំងឺប្រចាំកាយរាំរ៉ៃជាច្រើនឆ្នាំ បានធ្វើឲ្យបុរសវ័យ៥៧ឆ្នាំម្នាក់ សម្រេចចិត្តចង.ក ធ្វើអត្តឃាតខ្លួនឯង នៅក្នុងបន្ទប់ទឹក
(បន្ទាយមានជ័យ)៖បុរសម្នាក់ត្រូវបានប្រពន្ធរបស់ខ្លួនប្រទះឃើញចង.ក សម្លាប់ខ្លួន នៅក្នុងបន្ទប់ទឹកក្រោមផ្ទះ ក្រោយពីត្រឡប់មកពីឲ្យចំណីសត្វមាន់វិញ បង្កការភ្ញាក់ផ្អើលកាលពីម៉ោង១៥និង៣០នាទីថ្ងៃទី១៨ ខែមីនា ឆ្នាំ២០២២។
សពមានឈ្មោះ សន រួន ភេទប្រុស អាយុ ៥៧ឆ្នាំ រស់នៅភូមិទ្រាស ឃុំគោកកឋិន ស្រុកថ្មពួក ខេត្តបន្ទាយមានជ័យ ប្រពន្ធឈ្មោះ រៀម ភារៈ អាយុ ៥៣ឆ្នាំ។
ប្រពន្ធជនរងគ្រោះបានរៀបរាប់ថា ក្រោយពីខ្លួនត្រឡប់មកពីឲ្យចំណីសត្វមាន់វិញ ក៏ស្រាប់តែឃើញប្ដីរបស់ខ្លួនចង.ក សម្លាប់ខ្លួននៅក្នុងបន្ទប់ទឹក ភ្លាមនោះខ្លួនក៏បានហៅបងប្អូនអ្នកជិតខាង ជួយស្រាយសពប្ដីដាក់លើគ្រែរួចរាយការណ៍ទៅមេភូមិ។ក្រោយពីបានទទួលព័ត៌មាននេះភ្លាមកម្លាំងនគរបាល អាជ្ញាធរមូលដ្ឋាន ក្រុមគ្រូពេទ្យ បង្កើតគណៈកម្មការធ្វើកាពិនិត្យ ជាលទ្ធផលឃើញថា សពពិតជាចង.ក សម្លាប់ខ្លួនឯងពិតប្រាកដមែន ដោយផ្អែកទៅលើការមានស្នាមនៅចំក ព្រមទាំងមានការបញ្ជាក់ពីប្រពន្ធថា សពជាមនុស្សមានជំងឺប្រចាំកាយរាំរ៉ៃ ដើរមិនរួចអស់រយះពេលជាង ១០ឆ្នាំមកហើយ។សពក្រោយពីធ្វើកោសល្យវិច្ច័យរួចប្រគល់ឲ្យទៅសាច់ញាតិយកទៅធ្វើបុណ្យតាមប្រពៃណី ៕
