អ្នកយកដីគេលក់អត់ប្ដឹង បែជាទៅប្តឹងអ្នកទិញដែលមានឯកសារទទួលស្គាល់ពីអាជ្ញាធរមូលដ្ឋានសង្កាត់ ក្រុង ទៅតុលាការ ទៅវិញ
ខេត្តបន្ទាយមានជ័យ៖លោកស្រី រស់ ពៅ អាជីវករផ្សាររោងក្លឿង ស្នើសុំសម្ដេចបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា និងឯកឧត្តមអភិសន្តិបណ្ឌិត ស សុខា រដ្ឋមន្ត្រីក្រសួងមហាផ្ទៃ ជួយអន្តរាគមន៍ ក្រោយពីតុលាការខេត្តបន្ទាយមានជ័យកាត់ឲ្យលោកស្រីចាញ់ក្តី រឿងដីធ្លី ជាងមួយហិចតានៅចំណុចផ្លូវ ៣០ម៉ែត្រ ស្ថិតនៅក្នុងភូមិអណ្ដូងថ្មមាស សង្កាត់ផ្សារកណ្ដាល ក្រុងប៉ោយប៉ែត ។
ក្នុងបទសម្ភាសន៍ជាមួយអ្នកសារព័ត៌មានលោកស្រី រស់ ពៅ បានរៀបរាប់ថា ខ្លួនបានទិញដីពីឈ្មោះ ឡុង សំណាង ចំនួនកន្លះហិចតា និងពីឈ្មោះ យ៉ង់ យុន មួយហិចតា ក្នុងអំឡុងឆ្នាំ២០១៣ ដោយមានឯកសារអាជ្ញាធរមូលដ្ឋានភូមិ ឃុំ ក្រុង ទទួលស្គាល់ទៀតផង ដោយកាលនោះលោក គាត ហ៊ុល ជាចៅសង្កាត់ផ្សារកណ្តាល (បច្ចុប្បន្នអភិបាលក្រុង)លោក ង៉ោ ម៉េងជ្រួន ជាអភិបាលក្រុងប៉ោយប៉ែត (បច្ចុប្បន្នអភិបាលរងខេត្ត)ក្រោយទិញបានបីឆ្នាំក៏ស្រាប់តែមានឈ្មោះ ឈុន ឈួត បានប្រាប់និងចោទលោកស្រីថា បានលួចដីរបស់ខ្លួន ក្នុងនោះលោកស្រីបានបញ្ជាក់ថា លោកស្រីមិនបានលួចដីរបស់ប្អូនទេគឺដីនេះលោកស្រីបានទិញពីឈ្មោះ ឡុង សំណាង និងឈ្មោះ យ៉ង់ យុន ដោយអាជ្ញាធរមូលដ្ឋានភូមិ ឃុំ ក្រុង ទទួលស្គាល់ទៀតផង ។ក្រោយពីបានប្រាប់លោកស្រីរួចក៏ស្រាប់តែនៅក្នុងអំឡុងឆ្នាំ២០១៥ ឈ្មោះ ឈុន ឈួត បានដាក់ពាក្យបណ្ដឹងចូលទៅតុលាការ រហូតតុលាការកោះហៅឲ្យចូលខ្លួនទៅបំភ្លឺច្រើនលើកច្រើនសារ លោកស្រីក៏បានចូលទៅបំភ្លឺទាំងខ្លួនកំពុងប្រកបរបររកទទួលទាននៅក្នុងផ្សាររោងក្លឿ ទឹកដីថៃទាំងលំបាក ដើម្បីចិញ្ចឹមជីវិតនិងបង់អោយធនាគារផងដែរនោះ។ក្រោយមកទៀតតុលាការក៏បានកាត់ក្តីឲ្យលោកស្រីចាញ់ ដោយបានចោទប្រកាន់លោកស្រីថា ជាចោរលួចអចលនទ្រព្យរបស់ខ្លួន(ដី) ទាំងអាជ្ញាធរមូលដ្ឋានថ្នាក់ភូមិដល់ក្រុងថែមទៀតនោះ ។
លោកស្រីបញ្ជាក់ថា កន្លងមកនេះមានលោក គង់ រិទ្ធា ដែលជាមន្ត្រីប៉េអឹម បានហៅលោកស្រីទៅធ្វើការសម្របសម្រួលដោយលើកឡើងថា ដីនេះជាដីរបស់មេទេសូមឱ្យលោកស្រីលក់ឱ្យគេវិញទៅប្រយ័ត្នមានរឿង ក្នុងនោះមានឈ្មោះ ឌួង សំអុល ក៏បានខលទៅលោកស្រីដែរថា ដីហ្នឹងលក់ឱ្យគេទៅមួយការ៉េ ៥ដុល្លារ បើមិនលក់ឲ្យគេប្រយ័ត្នគេចាប់ដាក់គុក ។
ពាក់ព័ន្ធករណីនេះដែរលោក គង់ រិទ្ធា បានឲ្យដឹងតាមទូរសព្ទថា លោកបានត្រឹមតែសម្របសម្រួលតែប៉ុណ្ណោះដោយសារម្ចាស់ដីកម្មសិទ្ធិជាកូនចៅក្នុងសមាគមន៍ក្រុម១៥៧ របស់លោក ហើយរឿងនេះបើចង់ផ្សាយក៏គ្មានប្រយោជន៍ដែរពីព្រោះរឿងដីនេះគាត់ជាអ្នករំលោភយកដីគេទេ មិនមែនគេរំលោភយកនោះទេ ដីគេតាំពីឆ្នាំ២០០៣ ហើយបើចង់ដឹងច្បាស់សួរអាជ្ញាធរ សួរអ្នកសញ្ញេទៅ នាំគ្នាសញ្ញេជាន់លើដីគេហ្នឹង ។
លោកបញ្ជាក់ថា អ្នកដែលត្រូវរកយុត្តិធម៌នោះគឺមានតែម្ចាស់ដីដែលកូនចៅរបស់លោកបានត្រូវ អាងគ្នាម្នាក់ឯងសម្លុតធ្វើបាបគ្នារហូត ទាំង ឡុង សំណាង បានយកដីគ្នាទៅលក់ហើយសង្កត់គ្នាទៀត ហើយរឿងនេះលោកក៏បានធ្វើការសម្របសម្រួលឲ្យដោះស្រាយគ្នាបញ្ចប់ទៅ ដោយសារម្នាក់ៗទៅទិញដីនិងសុទ្ធតែចាញ់បោកគេ ត គ្នា ហើយបើចាញ់បោកគេ ត មកដាក់បន្ទុបលើម្ចាស់ដីវាដូចជាអយុត្តិធម៌ណាស់។
តែទោះយ៉ាងនេះក្តីបើតាមតំណាង ក្រុមហ៊ុន លី សៃឃាង បានឲ្យដឹងដែរថា ដីទាំងអស់នេះជាដីរបស់ក្រុម ហ៊ុន លី សៃឃាងទេ ដែលបច្ចុប្បន្នក្រុមហ៊ុន កំពុងដំណើការតាមនិតិវិធីច្បាប់ ដើម្បីដោះស្រាយអ្នកដែលទៅនៅលើដីរបស់ក្រុមហ៊ុន ដែលបច្ចុប្បន្ន ក្រុមហ៊ុនកំពុងដោះស្រាយបណ្តើរៗហើយ ។ជាមួយគ្នានោះដែរក្រុមហ៊ុនបានបញ្ជាក់ថា ទាក់ទងអ្នកដែលបានប្តឹង លោ កស្រី រស់ ពៅ គឺមិនមានសិទ្ធអ្វីទេ ព្រោះថាដីនេះ ជាដីរបស់ក្រុមហ៊ុន។
ជុំវិញបញ្ហានេះភ្ងាក់ងារយើងមិនអាច សុំការពន្យល់ណាមួយពីលោក ឡុង សំណាង និងអ្នកពាក់ព័ន្ធផ្សេងៗទៀតបានទេ រហូតមកដល់ពេលនេះ តែទោះយ៉ាងនេះក្តីភ្នាក់ងារយើងរង់ចាំការបកស្រាយរាល់ម៉ោងធ្វើការ៕
ព័ត៌មានលំអិិតសូមទស្សនានូវវីដេអូរបទសម្ភាសន៍រវសងអ្នកសារព័ត៌មាន និងលោកស្រី រស់ ពៅ ដែលមានខ្លឹមសារដូចខាងក្រោម៖
