លោកឧត្តមសេនីយ៍ទោ សិទ្ធិ ឡោះ បានដឹកនាំកិច្ចប្រជុំពង្រឹងបច្ចេកទេសជំនាញ និងផ្សព្វផ្សាយផែនការ ការងារចាំបាច់ ដល់កងកម្លាំងនគរបាលក្រោមឱវាទ

បន្ទាយមានជ័យ៖ លោកឧត្តមសេនីយ៍ទោ សិទ្ធិ ឡោះ ស្នងការនៃស្នងការដ្ឋាននគរបាលខេត្តបន្ទាយមានជ័យ នៅព្រឹកថ្ងៃទី២៣ ខែកក្កដា ឆ្នាំ២០២៥ បានអញ្ជើញដឹកនាំកិច្ចប្រជុំពង្រឹងបច្ចេកទេសជំនាញ និង ផ្សព្វផ្សាយផែនការការងារចាំបាច់ ដល់កងកម្លាំងនគរបាលក្រោមឱវាទ។

កិច្ចប្រជុំនេះមានការអញ្ជើញចូលរួមពី លោក លោកស្រី ឧត្តមសេនីយ៍ វរសេនីយ៍ ស្នងការរង លោកនាយ ការិយាល័យជំនាញ លោកអធិការនគរបាលក្រុងស្រុកទាំង៩ លោកមេបញ្ជាការវរសេនាតូចនគរបាល ការពារព្រំដែនគោកទាំង៤ ក្រុមការងារអ្នកនាំពាក្យនិងប្រតិកម្មរហ័ស និងក្រុមការងារបច្ចេកវិទ្យាឌីជីថល (Digital Technology Team)។

លោកឧត្តមសេនីយ៍ទោ សិទ្ធិ ឡោះ បានដាក់ចេញនូវបទបញ្ជា និងផែនការ ដល់កងកម្លាំងគ្រប់ផ្នែកពាក់ព័ន្ធត្រូវពង្រឹងបច្ចេកទេសជំនាញ, ត្រូវបន្តយកចិត្តទុកដាក់ពាក់ព័ន្ធការវិវត្តន៍ថ្មីៗរបស់បច្ចេកវិទ្យា ដើម្បីធ្វើ យ៉ាងណាឲ្យការងារប្រចាំថ្ងៃកាន់តែប្រសើរឡើង រហ័សនិងប្រសិទ្ធភាព, បន្តគ្រប់គ្រងព័ត៌មានសន្តិសុខ សង្គម និងសន្តិសុខតាមព្រំដែន, ប្រឆាំងរាល់បទល្មើសបច្ចេកវិទ្យា, ទប់ស្កាត់រាល់ព័ត៌មានក្លែងក្លាយ សំដៅធ្វើយ៉ាងណាឲ្យខេត្តបន្ទាយមានជ័យទាំងមូល ប្រកបដោយសន្តិសុខ សណ្តាប់ធ្នាប់ និងសុវត្ថិភាពល្អ៕